Man Utd បានត្រឹម ១ពិន្ទុ ក្រោយ Rashford ផ្ទេរបាល់ប៉េណាល់ទី ឲ្យ Pogba ស៊ុត (វីដេអូ)
- 2019-08-20 01:01:42
- ចំនួនមតិ 0 | ចំនួនចែករំលែក 0
Man Utd បានត្រឹម ១ពិន្ទុ ក្រោយ Rashford ផ្ទេរបាល់ប៉េណាល់ទី ឲ្យ Pogba ស៊ុត (វីដេអូ)
ចន្លោះមិនឃើញ
ក្រុម Manchester Untied បានត្រឹមស្មើ ១-១ ទល់នឹងក្រុមម្ចាស់ផ្ទះ Wolves នៅក្នុងសប្ដាហ៍ទី២ នៃ English Premier League កាលពីយប់មិញ។
នៅក្នុងការប្រកួតនេះ Anthony Martial បានស៊ុតឲ្យបិសាចក្រហមនាំមុខមុននៅតង់ទី១ ប៉ុន្តែ Rúben Neves បានជួយឲ្យក្រុមកញ្ជ្រោងតាមស្មើវិញ នៅដើមតង់ទី២។
ក្រុមលោក Ole Gunnar Solskjaer មានឱកាសអាចនាំមុខជាថ្មី នៅនាទី ៦៨ ប៉ុន្តែ Paul Pogba បានស៊ុតបាល់ពិន័យ ១១ម៉ែត្រមិនចូល ពោលគឺត្រូវអ្នកចាំទី Rui Patricio ជួយសង្រ្គោះបាន។ តាមពិតទៅបាល់នេះ គឺ Rashford ត្រូវជាអ្នកស៊ុតដូចកាលប្រកួតមុនដែរ តែខ្សែប្រយុទ្ធអង់គ្លេសរូបនេះ សម្រេចផ្ដល់បាល់ទៅសិស្សច្បងជាអ្នកស៊ុតវិញ។
លទ្ធផលស្មើគ្នានេះ មានន័យថា ក្រុមទាំង២ នៅតែមិនទាន់ចាញ់ដូចគ្នា គឺ Man Utd ឈ្នះ១ ស្មើ១ មាន៤ពិន្ទុ ឈរលេខ៤ ខណៈ Wolves ស្មើទាំង២ប្រកួត មាន២ពិន្ទុ ឈរលេខ ១៣។ ប្រកួតក្រោយ បិសាចក្រហម ប៉ះ Crystal Palace ថ្ងៃទី២៤ សីហា ចំណែក Wolves ជួប Burnley ថ្ងៃទី២៥ ខែសីហា ឆ្នាំ២០១៩៕
សូមទស្សនាហាយឡាយវីដេអូខាងក្រោមនេះ៖