OnePlus 7T អាចបង្ហាញមុខជាផ្លូវការក្នុងខែចាប់កំណើត iPhone 11
- 2019-08-20 03:03:32
- ចំនួនមតិ 0 | ចំនួនចែករំលែក 0
OnePlus 7T អាចបង្ហាញមុខជាផ្លូវការក្នុងខែចាប់កំណើត iPhone 11
ចន្លោះមិនឃើញ
OnePlus 7/ 7 Pro ទើបតែចេញមិនទាន់បានប៉ុន្មានខែ ក៏មានព័ត៌មានអំពីថ្ងៃចេញរបស់អ្នកស្នងតំណែងបាត់ហើយ។ ក្នុងសារមួយបង្ហោះចូលប្រព័ន្ធសង្គម Twitter អ្នកទម្លាយព័ត៌មាន Max J បានបង្ហើបថា OnePlus 7T នឹងចេញលក់នៅទីផ្សារសហរដ្ឋអាមេរិកនាថ្ងៃទី ១៥ ខែតុលា ឆ្នាំ២០១៩ ក្រោយពីមានកម្មវិធីសម្ពោធនៅថ្ងៃទី១០ ខែតុលានៅអាមេរិក និងថ្ងៃទី ២៦ ខែកញ្ញា នៅឥណ្ឌា។
អ្វីដែលគួរឲ្យកត់សម្គាល់គឺក្នុងសារនេះ Max J មិនបានបង្ហាញពីឈ្មោះផ្លូវការរបស់ទូរសព្ទនេះទេ ហើយឈ្មោះ 7T នេះគឺជាការសន្មតរបស់អ្នកប្រើបណ្ដាញសង្គមតែប៉ុណ្ណោះ។ ដោយសារដើមឆ្នាំនេះ OnePlus បានចេញទូរសព្ទចំនួនពីរម៉ូដែល(7/7 Pro) គេក៏គិតថាស៊េរី T ក៏មានពីម៉ូដែលដែរ(7T/7T Pro)។
កាលបរិច្ឆេទខាងលើនេះ គឺមិនខុសពីកាលបរិច្ឆេទរបស់ការបញ្ចេញទូរសព្ទចុងឆ្នាំរបស់ OnePlus ប៉ុន្មានទេ ដែលកាលពីឆ្នាំមុន OnePlus 6T បានធ្វើកម្មវិធីសម្ពោធនៅថ្ងៃទី ៣០ ខែតុលា ហើយចេញលក់នៅថ្ងៃទី ០១ ខែវិច្ឆិកា។ អ្វីដែលខុសប្លែកគឺ កាលបរិច្ឆេទសម្ពោធនៅប្រទេសឥណ្ឌា ដែលរាល់ឆ្នាំប្រព្រឹត្តិនៅថ្ងៃស្របគ្នាជាមួយអាមេរិក តែឆ្នាំគឺធ្វើមុនរហូតដល់ពីរអាទិត្យ។ គេគិតថាពិធីសម្ពោធនៅឥណ្ឌានេះ គឺគ្រាន់តែជា កម្មវិធីបង្ហើបបន្តិចបន្តួច ហើយកម្មវិធីសម្ពោធពិតគឺនៅអាមេរិក៕