គូស្នេហ៍ទេសចរជនជាតិបារាំង ប្រឈមមុខជាប់ទោសធ្ងន់ក ក្រោយលួចខ្សាច់ពីឆ្នេរអ៊ីតាលី
- 2019-08-20 04:37:38
- ចំនួនមតិ 0 | ចំនួនចែករំលែក 0
គូស្នេហ៍ទេសចរជនជាតិបារាំង ប្រឈមមុខជាប់ទោសធ្ងន់ក ក្រោយលួចខ្សាច់ពីឆ្នេរអ៊ីតាលី
ចន្លោះមិនឃើញ
គូស្នេហ៍ទេសចរជនជាតិបារាំងមួយគូ កំពុងប្រឈមមុខនឹងការជាប់ទោសក្នុងប្រទេសអ៊ីតាលីក្រោយពេលដែលពួកគេបានលួចយកខ្សាច់ពីឆ្នេរ Sadinia អំឡុងដំណើរកម្សាន្តវិស្សមកាល។
ប៉ូលិសក្នុងទីក្រុង Porto Torres ឲ្យដឹងថាពួកគេ បានឆែកឆេររកឃើញខ្សាច់ចំនួន ១៤ដបទឹកសុទ្ធ (ស្មើប្រមាណ ៤០គីឡូក្រាម) ក្នុងឡានគូស្នេហ៍ទាំងពីរខណៈពេលដែលពួកគេបម្រុងនឹងឡើងសាឡាងឆ្លងទៅកាន់ទីក្រុង Toulon ភាគខាងត្បូងប្រទេសបារាំង។ ខ្សាច់ពណ៌សនៅឆ្នេរ Sardinia ត្រូវបានចាត់ទុកថាជាសម្បត្តិសាធារណហើយស្ថិតក្រោមការការពារយ៉ាងតឹងរឹងដោយមិនឲ្យយកចេញពីកោះនោះទេ។ អ្នកដែលហ៊ានល្មើស អាចប្រឈមមុខនឹងការផាកពិន័យរហូតដល់ជាង ៣ ៣០០ដុល្លារ និងជាប់ពន្ធនាគារពី ១ដល់៦ ឆ្នាំទៀតផង។ ប៉ូលិសបន្ថែមថា ការលួចខ្សាច់ និងថ្មពីឆ្នេរ Sardinia គឺជារឿងសាមញ្ញទៅហើយដោយសារមានទីផ្សារខុសច្បាប់នៅក្នុងអ៊ីនធឺណេត។
យ៉ាងណាមិញ គូស្នេហ៍ជាប់ចោទទាំងពីរនាក់ អះអាងថាពួកគេមិនបានដឹងពីច្បាប់នៃការថែរក្សាខ្សាច់លើកោះនេះទេ ប៉ុន្តែប៉ូលិសបញ្ជាក់ថានៅលើកោះ មានសញ្ញាជាច្រើនជាមួយភាសាផ្សេងៗគ្នាដើម្បីប្រាប់ទេសចរឲ្យដឹងពីការហាមប្រាម៕