ប្អូនៗត្រូវប្រឡងឆ្នាំក្រោយមើលឲ្យហើយទៅពេលប្រឡងឆែកឆេរខ្ទេចបែបនេះ

2019-08-20 03:29:19
ចំនួនមតិ 0 | ចំនួនចែករំលែក 0

ចន្លោះមិនឃើញ

ឆ្លងកាត់ការដំណើរការប្រឡងបាក់ឌុបបានមួយថ្ងៃកន្លងមកនេះក្រសួងអប់រំបានវាយតម្លៃថាបេក្ខជនប្រឡងបានគោរពបទបញ្ញត្តិប្រឡបានល្អ និងបានខិតខំធ្វើកិច្ចការទៅតាមសមត្ថភាពរៀងៗខ្លួន។

(សកម្មភាពត្រួតពិនិត្យ និងឆែកឆេរមុនអនុញ្ញាតឲ្យសិស្សចូលមណ្ឌលប្រឡងនៅមណ្ឌលជម្ពូវ័ន្តព្រឹកមិញ)

ទោះយ៉ាងណាក្ដីកាលពីម្សិលមិញក៏មានដែរបេក្ខជនមួយរូបបានយកសំណៅឯកសារចូលបន្ទប់ប្រឡង និងមួយរូបទៀតបានយកទូរសព្ទដៃចូលបន្ទប់ប្រឡងដូចគ្នា។ ករណីនេះក្រសួងអប់រំថាបេក្ខជនទាំងពីររូបត្រូវកំណត់ឲ្យធ្លាក់ដោយស្វយប្រវត្តិ។

គួរបញ្ជាក់ថាកាលពីម្សិលមិញនៅទូទាំងប្រទេសបេក្ខជនមានវត្តមានប្រឡងចំនួន១១៧ ០៤៣ នាក់ ស្រី ៦០៤២៧ នាក់ និងបេក្ខជនអវត្តមានសរុបចំនួន ១៧៤៥នាក់ (១.៤៩%) ស្រី ៦៧៨ នាក់។ បេក្ខជនមានបញ្ហាសុខភាពមានចំនួន ៤៣ករណី ប៉ុន្តែអាចដំណើរការប្រឡងបន្តទៀតបាន បន្ទាប់ពីទទួលបានការសង្គ្រោះបឋម ហើយមានតែបេក្ខជន ១រូបប៉ុណ្ណោះដែលមានបញ្ហាសុខភាពធ្ងន់ធ្ងរដែលមិនអាចបន្តការប្រឡងបាន៕