មកមើល ទិដ្ឋភាពភ្លើងឆេះព្រៃលើកោះធំបំផុតទី២នៅក្រិក ប៉ះពាល់ខ្លាំងដល់ជម្រកសត្វ

2019-08-21 06:34:30
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកភូមិក្នុងតំបន់ជាច្រើន ត្រូវបានជម្លៀសចេញដើម្បីសុវត្ថិភាពផ្ទាល់ខ្លួនក្រោយពេលដែលមានភ្លើងឆេះព្រៃនៅលើកោះធំបំផុតទី ២ក្នុងប្រទេសក្រិក ហើយបណ្ដាលឲ្យមានការខូចខាតមិនអាចប៉ាន់ស្មានបានសម្រាប់ជម្រកសត្វព្រៃ។

ក្រុមអ្នកពន្លត់អគ្គិភ័យ បានព្យាយាមគ្រប់គ្រងស្ថានការណ៍ភ្លើងឆេះព្រៃនេះដែលគ្របដណ្ដប់លើផ្ទៃដីជាង ៥៥០ហិចតានៅលើកោះ Evia។ យោងតាមអាជ្ញាធរក្នុងតំបន់ឲ្យដឹងថាភ្លើងឆេះព្រៃនេះ បានចាប់ផ្ដើមដំបូងកាលពីថ្ងៃអង្គារកន្លងទៅដែលបណ្ដាលឲ្យប្រជាជនរស់ក្នុងភូមិ Kontodespoti, Makrymallik, Stavros និង Platana រួមទាំងទីក្រុង Psachna ផងដែរ។ ក្នុងនោះផងដែរ អ្នកពន្លត់អគ្គិភ័យម្នាក់ ត្រូវបានបញ្ជូនទៅកាន់មន្ទីរពេទ្យក្រោយរងរបួសរលាកភ្លើង។

គួរបញ្ជាក់ថា ប្រទេសក្រិកបានទទួលរងការវាយប្រហារដោយភ្លើងឆេះព្រៃជាញឹកញាប់ខណៈពេលដែលមានខ្យល់ខ្លាំងដែលធ្វើឲ្យការរីករាលដាលកាន់តែធំទៀត ប៉ុន្តែអ្នកពន្លត់អគ្គិភ័យជាង ១ពាន់នាក់ត្រូវបានបញ្ជូនទៅកន្លែងកើតហេតុដើម្បីដោះស្រាយបញ្ហានេះហើយ៕