អ្នកស្រី ស មុន្នីរ័ត្ន បុគ្គលជិតខ្លួនជាអ្នកជួយឲ្យអ្នកស្រីមានឱកាសទៅសិក្សាក្រៅប្រទេស
- 2019-08-21 10:00:00
- ចំនួនមតិ 0 | ចំនួនចែករំលែក 0
អ្នកស្រី ស មុន្នីរ័ត្ន បុគ្គលជិតខ្លួនជាអ្នកជួយឲ្យអ្នកស្រីមានឱកាសទៅសិក្សាក្រៅប្រទេស
ចន្លោះមិនឃើញ
ថ្វីបើមានគ្រួសារ និងកូនតូចដល់ទៅពីរនាក់ក្ដី ក៏មិនមែនជាឧបសគ្គសម្រាប់អ្នកស្រី ស មុន្នីរ័ត្ន ឲ្យបោះបង់ឱកាសរៀនបន្តថ្នាក់បណ្ឌិតនៅបរទេសជប៉ុននោះទេ។
អ្នកស្រីបានបញ្ចប់ការសិក្សាថ្នាក់អនុបណ្ឌិតពីសាកលវិទ្យាល័យហេរ៉ូស៊ីម៉ាប្រទេសជប៉ុនកាលពីឆ្នាំ២០១៤ ហើយនៅចុងខែកញ្ញា ខាងមុខនេះអ្នកស្រីនឹងបន្តការសិក្សាថ្នាក់បណ្ឌិតនៅសាកលវិទ្យាល័យនេះជាថ្មីម្ដងទៀត។
ដោយមានការជួយជ្រោមជ្រែងពីស្វាមី និងគ្រូនៅប្រទេសជប៉ុនអ្នកស្រីក៏បានសម្រេចចិត្តដាក់ អាហារូបករណ៍មួយនេះ និងទទួលបានជោគជ័យ។
បញ្ហាប្រឈមមួយចំនួនចំពោះស្រ្តីមានគ្រួសារ និងកូនបែបនេះ អាចមានស្រ្តីខ្លះក៏បោះបង់ការសិក្សាបន្ត តែសម្រាប់អ្នកស្រីវិញជាសំណាងមានឪពុកម្ដាយ និងស្វាមីជួយជាកម្លាំងចិត្តជាប់រហូត ដែលធ្វើឲ្យអ្នកស្រីងាយសម្រេចចិត្តបន្តការសិក្សានេះ។
ថ្វីបើអ្នកស្រីបានទទួលអាហារូបករណ៍ដល់ទៅពីរដងទៅរៀននៅជប៉ុនបែបនេះក៏ដោយ ក៏មុនបានអាហារូបករណ៍អ្នកស្រីធ្លាប់បរាជ័យមិនតិចដងនោះទេ។ ទោះយ៉ាងការព្យាយាមស្វែងយល់ពីចំណុចខ្វះខាត និងចំណុចខ្លាំងរបស់ខ្លួន និងតម្រូវការរបស់កម្មវិធីអារូបករណ៍ធ្វើឲ្យអ្នកស្រីបានជោគជ័យលើរឿងនេះ។
អ្នកស្រី ស មុន្នីរ័ត្ន បន្ថែមថាថ្វីបើមានគ្រួសារ និងមានកូនតូចក៏ដោយ បើស្រ្តីខ្លួនឯងចង់ទទួលការអប់រំឲ្យបានខ្ពង់ខ្ពស់ដូចបុរសដែរ ស្រ្តីខ្លួនឯងត្រូវពង្រឹកសមត្ថភាពខ្លួន និងហ៊ានដាក់មហិច្ឆតាចង់រៀនបន្តដោយមិនរួញរា។
ការសម្រេចចិត្តទៅរៀនបន្តរបស់អ្នកស្រីថ្វីដ្បិតមានចាស់ទុំខ្លះយល់ថាមិនសូវល្អ ដោយត្រូវទៅចោលស្វាមី និងកូនតូចរហូតដល់ទៅបីឆ្នាំក៏ដោយ តែក៏មានស្រ្តីជាច្រើនទៀតបានយកអ្នកស្រីជាគំរូផងដែរ។
គួរបញ្ជាក់ថាគិតចាប់ពីឆ្នាំ១៩៩២ រហូតដល់ឆ្នាំ២០១៩នេះ ស្ថានទូតជប៉ុនប្រចាំកម្ពុជាឲ្យដឹងថានិស្សិតខ្មែរបានអាហារូបករណ៍ទៅសិក្សានៅប្រទេសជប៉ុនមានចំនួនប្រមាណជា១១០០នាក់៕
ទស្សនាវីដេអូ៖