iPhone 11 អាចថតវីដេអូខ្លាំងជាងមុន និងបង្កើនសមត្ថភាពថតនៅទីងងឹត
- 2019-08-23 06:31:37
- ចំនួនមតិ 0 | ចំនួនចែករំលែក 0
iPhone 11 អាចថតវីដេអូខ្លាំងជាងមុន និងបង្កើនសមត្ថភាពថតនៅទីងងឹត
ចន្លោះមិនឃើញ
ដំណឹងលម្អិតជាច្រើនអំពីផលិតផលថ្មីៗរបស់ Apple រួមមាន iPhone, iPad, MacBook និង Apple Watch បានលេចចេញក្នុងការចុះផ្សាយថ្មីចុងក្រោយរបស់ Bloomberg ជាស្ថាប័នសារព័ត៌មានធំមួយរបស់អាមេរិក។ ខាងក្រោមនេះជាការរៀបរាប់ត្រួសៗអំពីការព្យាករណ៍ក្នុងរបាយការណ៍របស់ Bloomberg ៖
iPhone ឆ្នាំ ២០១៩
មានសរុប ៣ ម៉ូដែលដែលនឹងចេញឆ្នាំ ២០១៩។ មានពីរម៉ូដែលនឹងប្រើឈ្មោះ "Pro” ដែលវានឹងជំនួស iPhone XS និង XS Max ហើយខាងក្រោយមានកាមេរ៉ា ៣ គ្រាប់។ ទូរសព្ទទីបីនឹងមកជំនួសកន្លែង iPhone XR ដែលវាមានបំពាក់កាមេរ៉ាភ្លោះនៅខាងក្រោយ។
iPhone ត្រកូល Pro នឹងទ្រាំទ្រការសាកថ្មឥតខ្សែបែប Reverse (អាចសាកថ្មឲ្យឧបករណ៍ដទៃ) ស្រដៀងនឹងមុខងារលើស្មាតហ្វូនជំនាន់ចុងក្រោយរបស់ Samsung និង Huawei។
ដំណឹងផ្សេងទៀតរួមមាន Face ID ដែលអាចប្រើច្រើនមុំ ដែលអាចឲ្យស្កេនមុខដោះសោទោះបីទូរសព្ទដាក់ផ្ដេកលើតុក្ដី, ការពារទឹកខ្លាំងជាងមុន និងបច្ចេកវិទ្យា Shatter-Resistance ដែលជួយការពារពេលទូរសព្ទធ្លាក់។ Bloomberg មិនបានបញ្ជាក់ថាម៉ូដែលណានឹងទទួលបានមុខងារពិសេសនេះទេ។ iPhone ថ្មីទាំងបីនឹងបំពាក់ដោយបន្ទះឈីប A13 ល្បឿនលឿនជាងមុខ និងឈីប Matrix ដែលអាចផ្ដល់ផលប្រយោជន៍ដល់ AR។
ក្រៅពីមាននូវពណ៌ប្រភេទគ្រើមថ្មី ត្រកូល iPhone Pro នឹងមានរូបរាងស្រដៀងនឹង iPhone XS ឆ្នាំមុនដែរ។
3D Touch ត្រូវបានដកចោលលើ iPhone ទាំងបី ជំនួសមកវិញនូវ Haptic Tocuh ដែលបានលេចមុខលើ iPhone XR កាលឆ្នាំមុន។
កុំរំពឹងថា iPhone 5G ចេញឆ្នាំនេះ ត្រូវរង់ចាំដល់ឆ្នាំ ២០២០ ទើប Apple បញ្ចេញមួយម៉ូដែល។
iPhone ដែលជំនួសតំណែង iPhone XR មិនសូវផ្លាស់ប្ដូរច្រើនឡើយ។ ក្រៅពីមានឈីបល្បឿនលឿន វាមានបំពាក់កាមេរ៉ាពីរគ្រាប់នៅខាងក្រោយ ដែលកាមេរ៉ាទីពីរសម្រាប់ Zoom ហើយមានជម្រើសពណ៌បៃតងថ្មី។
iPad ឆ្នាំ ២០១៩
Apple គ្រោងនឹងប្រកាសចេញ iPad Pro ១១ អ៊ីញ និង ១២,៩ អ៊ីញថ្មីនៅឆ្នាំនេះ។ Bloomberg និយាយថាទាំងពីរម៉ូដែលនេះ នឹងមានការវិវត្តលើកាមេរ៉ា ដោយមិនបញ្ជាក់អំពីចំនួនកាមេរ៉ាឡើយ។ ឈីបល្បឿនលឿនជាងមុខក៏រំពឹងថាមានដែរ ប៉ុន្តែរូបរាងនៅដដែល។
Bloomberg អះអាងថា Apple នឹងឈប់ផលិត iPad ៩,៧ អ៊ីញ ដើម្បីងាកមកផ្ដោតលើ iPad ១០,២ អ៊ីញថ្មី។
MacBook Pro ឆ្នាំ ២០១៩
ចុចអាន ៖ iPhone ឆ្នាំនេះអាចនាំមុខងារដូច Galaxy Note ដែល Steve Jobs ស្អប់បំផុត