ស្មាតហ្វូន ៦ ម៉ូឌែលមានកាមេរ៉ាច្រើនគ្រាប់ដាច់គេ តែខ្លះធូរថ្លៃមិនដល់ ២០០ ដុល្លារ

2019-08-27 06:48:40
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រៅពីអភិវឌ្ឍលើរចនាបថតួខ្លួននិងកម្លាំងម៉ាស៊ីន ក្រុមហ៊ុនផលិតស្មាតហ្វូនសព្វថ្ងៃក៏បានផ្តោតសំខាន់លើផ្នែកកាមេរ៉ា ដែលជាចំណុចរសើបក្នុងការទាក់ទាញចិត្តអតិថិជនមួយផ្នែកធំ។ Sabay ណែនាំឲ្យស្គាល់ស្មាតហ្វូន ៦ ម៉ូឌែលមានប្រើកាមេរ៉ាក្រោយច្រើនគ្រាប់បំផុតនិងកំពុងមានដាក់លក់នៅលើទីផ្សារ៖

Realme 5 និង Realme 5 Pro តម្លៃក្រៅស្រុក ១៩៥ ដុល្លារ

ម៉ូឌែលទាំងពីរបំពាក់កាមេរ៉ាក្រោយ ៤ គ្រាប់ដូចគ្នា ដោយ Realme 5 មានឡេនមេទំហំ 12MP ខណៈគ្រាប់ទីពីរជាឡេន Super Wide-Angle ទំហំ 8MP បូក 2MP ពីរគ្រាប់បន្ថែមទៀតជំនួយលើការថតបែប Macro។ ក្រឡេកទៅ Realme 5 Pro ខុសគ្នានឹងសិស្សប្អូនត្រង់ឡេនមេមានទំហំធំដល់ 48MP។

Samsung Galaxy A9 2018 តម្លៃក្រៅស្រុក ៣៨៨ ដុល្លារ

នេះជាស្មាតហ្វូនប្រើកាមេរ៉ាក្រោយ ៤ គ្រាប់ចេញផ្សាយមុនគេបង្អស់ ដោយគ្រាប់ទីមួយទំហំ 24MP ខណៈគ្រាប់ទីពីរជាឡេន Telephoto រីឯទីបីជាឡេន Ultra-wide ទំហំ 8MP និងចុងក្រោយ 5MP សម្រាប់វាស់ជម្រៅព្រាលនៃរូបភាព។

Huawei P30 Pro តម្លៃក្រៅស្រុក ៨៤៥ ដុល្លារ

នេះក៏ជាស្មាតហ្វូន Huawei ម៉ូឌែលទីមួយប្រើប្រាស់កាមេរ៉ាក្រោយ ៤ គ្រាប់អភិវឌ្ឍដោយស្លាកយីហោ Leica។ ឡេនមេទំហំធំដល់ 40MP អមឡេន Ultra-wide ទំហំ 20MP រីឯ Telephoto ទំហំ 8MP បូកបន្ថែមនិង TOF Sensor ជាគ្រាប់ចុងក្រោយ។ ចំណុចខ្លាំងរបស់ស្មាតហ្វូនអាច Zoom ដល់កម្រិត 50x សម្រាប់ Digital Zoom និង 10x នៃ Hybrid Zoom។

Samsung Galaxy Note10+ តម្លៃក្រៅស្រុក ១ ២២០ ដុល្លារ

ត្រកូល Note សេរ៊ី ២០១៩ ក៏ឡើងកាមេរ៉ាក្រោយដល់ ៤ គ្រាប់ដូចគ្នា ដោយចាប់ផ្តើមពីឡេនមេទំហំ 16MP និង 12MP ផ្សេងទៀតចំនួនពីរគ្រាប់ លាយឡំ TOF Sensor ដូចគូប្រជែងដទៃដែរ។

Lenovo Z6 Pro តម្លៃក្រៅស្រុក ៥៥៥ ដុល្លារ

ជាស្មាតហ្វូនសេរ៊ីខ្ពស់ផុតលេខរបស់ Lenovo ជាមួយកាមេរ៉ាក្រោយឡើងដល់ ៥ គ្រាប់ ដោយរាប់ពីឡេនមេទំហំ 48MP អមគ្រាប់ទីពីរ 16MP ហើយគ្រាប់ទីបី 8MP ប្រភេទ Telephoto រីឯគ្រាប់ទីបួនទំហំ 2MP និងគ្រាប់ចុងក្រោយជា 3D TOF ដូចមានលើ Galaxy Note 10+ និង Huawei P30 Pro។

Nokia 9 PureView តម្លៃក្រៅស្រុក ៥៨៨ ដុល្លារ