អ្នកនៅក្រាំងធ្នង់ ជិតបានផ្លូវបេតុងទទឹង ២០ម៉ែត្រ ប្រើប្រាស់មួយខ្សែទៀតហើយ

2019-08-28 13:41:02
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រជាពលរដ្ឋនៅសង្កាត់ក្រាំងធ្នង់ ចន្លោះផ្លូវឧកញ៉ាទ្រីហេង ដល់ផ្លូវ១០៥ K ក្នុងខណ្ឌសែនសុខ រាជធានីភ្នំពេញ នឹងមានផ្លូវផ្លូវបេតុងទទឹង ២០ម៉ែត្រថ្មីមួយទៀតនាពេលឆាប់ៗខាងមុខ បន្ទាប់ពីបុរីភ្នំពេញថ្មី កំពុងបើកការស្ថាបនា និងដាក់លូសងខាងផ្លូវយ៉ាងសកម្ម។

កំណាត់ផ្លូវ៩២

បើតាមអ្នកនាង ណាំ ម៉ារី ប្រធានផ្នែកលក់បុរីខាងលើនេះ បានឲ្យដឹងថា ដោយឃើញស្ថានភាពកំណាត់ផ្លូវ៩២ ពីចំណុចផ្លូវឧកញ៉ាទ្រីហេង ដល់ផ្លូវ១០៥ K មានទំហំតូច និងជាផ្លូវដីពិបាកធ្វើដំណើរផងនោះ ទើបបានជាមានការជួយស្ថាបនាថ្មី ជាផ្លូវបេតុងដែលមានទទឹង២០ម៉ែត្រ កម្រាស់ ២តឹក និងមានលូបង្ហូរទឹកសងខាងផ្លូវថែមទៀត។

សកម្មភាពកំពុងស្ថាបនា

អ្នកស្រីបន្ថែមទៀតថា នៅជំហានបន្តបន្ទាប់ទៀត នឹងមានការស្ថាបនាផ្លូវជុំវិញតំបន់ខាងលើឲ្យល្អប្រសើរ ងាយស្រួលដល់ប្រជាជនរស់ក្បែរៗនោះធ្វើដំណើរផងដែរ។ ក្រៅតែពីការស្ថាបនាផ្លូវហើយនោះ បុរីខាងលើនេះក៏មានគម្រោង ELITE PARK1 ដែលមានផ្ទះល្វែងចំនួន១០២ល្វែង រួមទាំងដីឡូតិ៍សម្រាប់អ្នកដែលចង់សាងសង់ភូមិគ្រឹះតាមចំណងចំណូលចិត្ត និងចង់រស់នៅតំបន់នោះថែមទៀតផង។

ចំពោះការជួយស្ថាបនាកំណាត់ផ្លូវ៩២ ដែលភ្ជាប់ពីចំណុចផ្លូវឧកញ៉ាទ្រីហេងដល់ផ្លូវ១០៥ K មួយនេះ អ្នកស្រី ណាំ ម៉ារី ជឿជាក់ថានឹងអាចជួយសម្រួលដល់ប្រជាពលរដ្ឋបានច្រើន ងាយស្រួលក្នុងការធ្វើដំណើរគ្រប់ពេលគ្រប់រដូវ ដោយមិនខ្វល់ខ្វាយដូចមុននោះឡើយ។

អ្នកនាង ណាំ ម៉ារី

បញ្ជាក់ដែរថា កំណាត់ផ្លូវ៩២ ដែលភ្ជាប់ពីចំណុចផ្លូវឧកញ៉ាទ្រីហេងដល់ផ្លូវ១០៥ K ស្ថិតក្នុងសង្កាត់ក្រាំងធ្នង់ ខណ្ឌសែនសុខ ដែលកំពុងស្ថាបនានេះមានប្រវែងប្រហែល៣គីឡូម៉ែត្រ ហើយនឹងបញ្ចប់រួចរាល់ក្នុងពេលឆាប់ៗនេះ៕

អត្ថបទ៖ នួន ស៊ីណា