Sony បញ្ចេញកាមេរ៉ាថ្មី ២ ដើម្បីប្រជែងជាមួយ Canon
- 2019-08-29 03:10:20
- ចំនួនមតិ 0 | ចំនួនចែករំលែក 0
Sony បញ្ចេញកាមេរ៉ាថ្មី ២ ដើម្បីប្រជែងជាមួយ Canon
ចន្លោះមិនឃើញ
កាលពីម្សិលមិញ Cannon បានប្រកាសជាផ្លូវការនូវកាមេរ៉ាលំដាប់មធ្យមរបស់ខ្លួនគឺ Canon EOS 90D និង EOS M6 Mark II ។ មិនបានមួយថ្ងៃផង Sony បញ្ចេញកាមេរ៉ាត្រកូល ៦ ពាន់របស់ខ្លួនគឺ Alpha 6600 និង Alpha 6100 ។
Alpha 6600 មានបំពាក់ sensor APS-C ទំហំ ២៤,២ មេហ្គាភិកសែល មានបច្ចេកវិទ្យារក្សាលំនឹង 5-axis in-body stabilization ។ ប្រព័ន្ធ auto-focus ដែលមាន phase-detection ៤២៥ ចំណុច ជាមួយនឹង real-time tracking និង real-time eye tracking ព្រមទាំងអាចថតសន្លឹកក្នុងល្បឿន 11fps ។
សម្រាប់វីដេអូ a6600 អាចថតបានកម្រិត 4K ក្នុងល្បឿន 30fps។ កាមេរ៉ានេះមានរន្ធដោតកាសនិងរន្ធស្រូបសម្លេងផងដែរ។ ពេលថតវីដេអូ slow motionនៅកម្រិត ១០៨០ ភិកសែល វាអាចថតយឺតកម្រិត 120fps ហើយវាមិនមានមុខងារថត 4K 60fps ឡើយ។
Alpha 6600 មានអេក្រង់ទំហំ ៣ អ៊ីញដែលអាចបត់មកមុខបានដូចទៅនឹង a6400 ដែរ។ ក៏មានមុខងារផ្សេងៗដូចជា Bluetooth, Wi-Fi, NFC, micro HDMI, និង microUSB ។ a6600 ភ្ជាប់ជាមួយថ្មប្រភេទថ្មី NP-FZ100 ដែលកាន់បានយូរជាង NP-FW50 ដែលមាននៅលើត្រកូល ៦ ពាន់ផ្សេងៗ។
ចំណែក a6100 វិញគឺដូចទៅនឹង a6600 ស្ទើរតែទាំងអស់ ទាំងគុណភាពថតសន្លឹកនិងវីដេអូខុសតែវាគ្មាន optical image stabilization, រន្ធដោតកាស, តាមតានភ្នែក ហើយគុណភាព viewfinder នៅកម្រិតទាបនិងប្រើ NP-FW50 ដែរងាយនឹងអស់ថ្ម។
Alpha 6600 ដាក់លក់ក្នុងតម្លៃ ១៤០០ ដុល្លារ (body only) និង ១៨០០ ដុល្លារបូកទាំង kit lens 18-135mm មានលក់នៅខែ វិច្ឆិកា ។
Alpha 6100 ដាក់លក់ក្នុងតម្លៃ ៧៥០ ដុល្លារ (body only) និង ៨៥០ ដុល្លារបូកទាំង kit lens 18-135mm និង ១១០០ ដុល្លារ បូកទាំង kit lens 16-50mm និង 55-210mm មានលក់នៅខែ តុលា ។