Liverpool ឈ្នះតែ Mane ឈ្លោះគ្នាចង្អុលមុខ Salah ព្រោះរឿងមួយ

2019-09-01 01:28:27
ចំនួនមតិ 0 | ចំនួនចែករំលែក 0

ចន្លោះមិនឃើញ

Liverpool បានបន្តដំណើរកាន់កាប់កំពូលតារាងជាមួយគម្លាត៣ពិន្ទុពីក្រុមលេខ២ បន្ទាប់ពីយកឈ្នះ Burnley ក្នុងលទ្ធផល ៣ទល់នឹង០ នៅសប្ដាហ៍ទី៤។

រាប់ទាំងជ័យជម្នះយប់មិញក្រុមរហស្សនាមថាហង្សក្រហមបានឈ្នះ១៣ប្រកួតជាប់គ្នាហើយនៅ Premier League គិតចាប់ពីរដូវកាលមុនមក។ ៣គ្រាប់របស់ Liverpool គឺជាបាល់ស៊ុតបញ្ចូលទីរបស់ Arnold ដែលលើបាល់ទៅប៉ះកីឡាករ Wood នៅនាទី៣៣ បន្ទាប់មក Mané នៅនាទី៣៧ និង១គ្រាប់របស់ Firmino នៅនាទី៨០។

៣ពិន្ទុរបស់ក្រុមលោក Jurgen Klopp ហាក់ជូរចត់បន្តិចក្រោយពេលមានការប៉ះពាក្យសម្ដីគ្នារវាង Sadio Mane និង Mohamed Salah ដោយសារ Mane ខឹងខ្លាំងចំពោះមិត្តរួមក្រុមរបស់ខ្លួនដែលមិនបញ្ជូនបាល់ឲ្យរូបគេស៊ុតបញ្ចូលទីនៅពេលឱកាសល្អ បែរជាខុសចិត្តទាត់ចោលទៅវិញ។

គួររម្លឹកថា Salah និង Mane បើទោះជាលេងក្នុងក្រុមជាមួយគ្នាក៏ពិតមែន តែពួកគេមានការប្រជែងគ្នាខ្លាំងក្នុងការរកគ្រាប់ទាំងនៅក្លឹប និងពានកីឡាករឆ្នើមទ្វីបអាហ្វ្រិក។ រដូវកាលមុនអ្នកទាំងពីរឈ្នះស្បែកជើងមាសដូចគ្នានៅ លីគកំពូលអង់គ្លេស៕