Hendo ប្រាប់ពីស្ថានភាពជម្លោះគ្នាឯងរវាង Mane និង Salah
- 2019-09-02 03:43:04
- ចំនួនមតិ 0 | ចំនួនចែករំលែក 0
Hendo ប្រាប់ពីស្ថានភាពជម្លោះគ្នាឯងរវាង Mane និង Salah
ចន្លោះមិនឃើញ
Jordan Henderson បានបញ្ជាក់ថា គ្មានទេជម្លោះយូរអង្វែងរវាងមិត្តរួមក្រុម Sadio Mane និង Mohamed Salah ក្រោយការប៉ះទង្គិចពាក្យសម្ដីគ្នាកាលពីថ្ងៃសៅរ៍។
ក្នុងប្រកួតដែល Liverpool យកឈ្នះ Burnley ៣ទល់នឹង០ Mane បានផ្ទុះកំហឹងដាក់ Salah ក្រោយខ្សែប្រយុទ្ធអេហ្ស៊ីបរូបនេះមានភាពអាត្មានិយមមិនបញ្ជូនបាល់ឲ្យរូបគេដែលពេលនោះឈរម្នាក់ឯងស៊ុត បែរជាសុខចិត្តទាត់ចោលទៅវិញ។
Salah និង Mane បើទោះជាលេងក្នុងក្រុមជាមួយគ្នាក៏ពិតមែន តែពួកគេមានការប្រជែងគ្នាខ្លាំងក្នុងការរកគ្រាប់ទាំងនៅក្លឹប និងពានកីឡាករឆ្នើមទ្វីបអាហ្វ្រិក។ រដូវកាលមុនអ្នកទាំងពីរឈ្នះស្បែកជើងមាសដូចគ្នានៅ លីគកំពូលអង់គ្លេស។
យ៉ាងណាស្ថានភាពហាក់ធូរស្បើយវិញ បើតាមការបញ្ជាក់ពីប្រធានក្រុម Liverpool។ "ខ្ញុំបានឃើញថាពេលនេះគ្មានភាពតានតឹងអ្វីទេ។ Sadio លែងអីហើយ គេគឺជាមនុស្សល្អ។ វាគ្រាន់ជាការកែប្រែកំហុសគ្នានៅក្នុងក្រុមប៉ុណ្ណោះ"។ Henderson និយាយដូច្នេះ៕