តួប្រុសរឿង “The Untamed” ត្រូវមិត្តស្រីបង្ហោះរូបអាក្រាត ព្រោះធ្វើឲ្យមានកូនតែមិនទទួលខុសត្រូវ
- 2019-09-03 02:50:00
- ចំនួនមតិ 0 | ចំនួនចែករំលែក 0
តួប្រុសរឿង “The Untamed” ត្រូវមិត្តស្រីបង្ហោះរូបអាក្រាត ព្រោះធ្វើឲ្យមានកូនតែមិនទទួលខុសត្រូវ
ចន្លោះមិនឃើញ
តារាសម្ដែងប្រុសវ័យក្មេង កំពុងឡើងកូដចិន Qi Peixin ទើបតែត្រូវបានអតីតមិត្តស្រីបកអាក្រាតថា លោកមានចិត្តសាវ៉ា ធ្វើឲ្យនាងមានផ្ទៃពោះហើយតែបែរជាមិនទទួលខុសត្រូវវិញ។
បណ្ដាញសង្គម Weibo របស់ចិនបាននាំគ្នាចែកចាយអត្ថបទ តារាសម្ដែងប្រុសវ័យក្មេង Qi Peixin ត្រូវអតីតមិត្តស្រីបង្ហោះរូបអាក្រាត និងបកអាក្រាតពីលោកផងដែរ។ គួបផ្សំនឹងកម្រងរូបភាពគ្មានស្លៀកពាក់អ្វីសោះនេះ នារីរូបនេះបានឲ្យដឹងបន្ថែមថា លោកបានក្បត់ពីក្រោយខ្នងនាងដូចគ្នា។
មិនត្រឹមតែប៉ុណ្ណោះ នៅក្នុងអំឡុងពេលលោកមានស្រីថ្មីនេះ លោកក៏បានធ្វើឲ្យនាងមានកូនផងដែរ តែមិនបានទទួលខុសត្រូវនោះឡើយ។ ដោយសារតែខឹងខ្លាំងពេក ទើបនាងសម្រេចចិត្តបង្ហោះរូបអាក្រាតរបស់តារាសម្ដែងនេះតែម្ដង។
គួរបញ្ជាក់ផងដែរថា តារាប្រុស Qi Peixin កើតឆ្នាំ១៩៩៧ ជានិស្សិតនៃសាលាវិចិត្រសិល្បៈប៉េកាំង។ អាជីពសម្ដែងរបស់លោកទើបតែត្រូវបានគេចាប់អារម្មណ៍ក្រោយពេលលោកចូលសម្ដែងក្នុងរឿងភាគ “The Untamed” ក្នុងតួ Jin Ling។ លោកត្រូវបានគេវាយតម្លៃថា នឹងជាតារាសម្ដែងល្បីឈ្មោះក្នុងពេលខាងមុខ តែរឿងអាស្រូវមួយនេះបានធ្វើប៉ះពាល់ដល់កេរ្តិ៍ឈ្មោះរបស់លោកមិនតិចឡើយ៕