Juventus ទម្លាក់កីឡាករសំខាន់ ២រូប ចេញពីក្រុមលេងនៅ UCL
- 2019-09-04 13:12:39
- ចំនួនមតិ 0 | ចំនួនចែករំលែក 0
Juventus ទម្លាក់កីឡាករសំខាន់ ២រូប ចេញពីក្រុមលេងនៅ UCL
ចន្លោះមិនឃើញ
ក្នុងថ្ងៃនេះដែរ Juventus បានទម្លាក់ខ្សែបម្រើអាល្លឺម៉ង់ Emre Can និងខ្សែប្រយុទ្ធក្រូអាត Mario Mandzukic ចេញពីបញ្ជីកីឡាករ ២២រូប ដែលត្រូវលេងក្នុងវគ្គចែកពូលនៃព្រឹត្តិការណ៍ UEFA Champions League។
គ្រូបង្គោលក្លឹបអ៊ីតាលីនេះបានដាក់បញ្ចូលកីឡាករ ដែលទើបតែទិញថ្មី ៦ រូប ដាក់ចូលក្នុងបញ្ជីនេះទាំងអស់ ដោយរាប់បញ្ចូលទាំងខ្សែបម្រើវេល Aaron Ramsey។
ទាក់ទិននឹងរឿងនេះដែរ Emre Can បានប្រាប់សារព័ត៌មាន Bild ថា ខ្លួនខឹងខ្លាំងណាស់ចំពោះការសម្រេចចិត្តបែបនេះ ហើយខ្លួនអាចនឹងផ្លាស់ទ្រនំទៀតផង ដោយសារតែមក Juventus នេះ ដើម្បីមកលេងនៅ Champions League។
ចំណែកឯ Mandzukic វិញ មិនទាន់ធ្វើការឆ្លើយតបនឹងរឿងនេះទេ ប៉ុន្តែធ្លាប់មានល្ហិចល្ហៀងព័ត៌មានមួយចំនួនថា កីឡាករក្រូអាតរូបនេះអាចនឹងផ្ទេរទៅកាន់ Manchester United ក្នុងទីផ្សាររដូវក្ដៅកន្លងទៅ។
កាលពីរដូវកាល ២០១៨/១៩ Emre Can លេងបាន ៣៧ប្រកួត និងរកបាន ៤គ្រាប់ ខណៈ Mandzukic លេងបាន ៣៣លើក និងរកបាន ១០គ្រាប់៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
