ទីបំផុត! រដ្ឋាភិបាលហុងកុង សម្រេចដកច្បាប់បត្យាប័នក្រោយបាតុកម្មអស់ជាង ៣ខែ

2019-09-05 07:05:41
ចំនួនមតិ 0 | ចំនួនចែករំលែក 0

ចន្លោះមិនឃើញ

មេដឹកនាំទីក្រុងហុងកុងអ្នកស្រី Carrie Lam បានសម្រេចដកច្បាប់បត្យាប័នហើយកាលពីថ្ងៃពុធកន្លងទៅក្រោយពេលដែលមានការតវ៉ាពីពលរដ្ឋរាប់លាននាក់អស់រយៈពេលជាង ៣ខែ។

នៅក្នុងសន្និសីទកាសែតមួយ អ្នកស្រី Carrie Lam បានឲ្យដឹងថារដ្ឋាភិបាលរបស់អ្នកស្រី បានសម្រេចដកច្បាប់បត្យាប័នហើយ និងមិនលើកមកពិភាក្សាទៀតនោះទេ បើទោះបីជាធ្លាប់មានការផ្អាកការធ្វើច្បាប់នេះយ៉ាងណាក្ដី។ ការសម្រេចនេះ ត្រូវបានធ្វើឡើងដើម្បីឆ្លើយតបនឹងការទាមទារដ៏សំខាន់មួយក្នុងចំណោម៥ ដែលបាតុករហុងកុងចង់បាន។ ប៉ុន្តែនៅក្នុងវេទិកាអនឡាញដ៏ល្បីល្បាញមួយដែលប្រមូលផ្ដុំទៅដោយអ្នកតវ៉ាឲ្យដឹងថា ពួកគេនឹងមិនបញ្ឈប់ការដាក់សម្ពាធលើរដ្ឋាភិបាលនោះទេ ដរាបណាការទាមទាររបស់ពួកគេទាំង ៥ចំណុចបានសម្រេច។

គួរឲ្យដឹងថា ការតវ៉ានេះ ត្រូវបានធ្វើឡើងក្រោយពេលដែលមានការស្នើសុំបង្កើតច្បាប់បត្យាប័នថ្មីដែលអនុញ្ញាតឲ្យជនល្មើសត្រូវបញ្ជូនទៅកាន់ចិនដីគោកដើម្បីកាត់ក្ដី ដោយសារពួកគេមិនទុកចិត្តលើការគោរពសិទ្ធិមនុស្ស និងប្រព័ន្ធច្បាប់របស់ចិនដីគោក៕