សម្តេច ហ៊ុន សែន ជួយបងប្រុសរបស់និស្សិត ហុង ភារិន ឲ្យរៀនបន្តថា្នក់អនុបណ្ឌិត
- 2019-09-06 02:24:25
- ចំនួនមតិ 0 | ចំនួនចែករំលែក 0
សម្តេច ហ៊ុន សែន ជួយបងប្រុសរបស់និស្សិត ហុង ភារិន ឲ្យរៀនបន្តថា្នក់អនុបណ្ឌិត
ចន្លោះមិនឃើញ
សម្តេចហ៊ុន សែន នៅព្រឹកនេះបានជួបជាមួយយុវជន ហុង ភារិន និងបងប្រុសរបស់ហុង ភារិន ឈ្មោះហុង ភារុន ដោយថាដើម្បីដឹងពីបំណង និងគោលដៅដែលភារិនចង់បាន។
សម្តេច ហ៊ុន សែន នាព្រឹកនេះបានសរសេរលើទំព័រហ្វេសប៊ុករបស់សម្តេចថា នៅព្រឹកនេះសម្តេច និងភរិយា បានជួបជាមួយនិស្សិត ហុង ភារិន និងបងប្រុសរបស់គាត់ ហុង ភារុន។ ក្នុងជំនួបនេះសម្រេចបានសរសេរបន្តថា៖ «គោលបំណងនៃការជួបរបស់ខ្ញុំគឺចង់ស្វែងយល់នូវបំណងនិងគោលដៅដែលហុង ភារិនចង់ទៅដើម្បីងាយស្រួលដល់ការជួយរបស់យើងឱ្យស្របជាមួយបំណងដែលភារិនចង់ទៅនិងចង់បាន»។
ក្នុងជំនួបនោះដែរ បើតាមសំណេររបស់សម្តេច ហ៊ុន សែន ដដែល សម្តេចក៏បានជួយឲ្យបងប្រុងហុង ភារិន គឺលោក ហុង ភារុន ដែលកំពុងធ្វើការនៅក្រសួងសេដ្ឋកិច្ច និងហិរញ្ញវត្ថុផ្នែកពន្ធដារនោះ ឲ្យបានរៀនបន្តថ្នាក់អនុបណ្ឌិតផងដែរ។
សម្តេចសរសេរយ៉ាងនេះថា៖ «ខ្ញុំក៍បានជួយដល់ហុង ភារុនដែលរៀនចប់បរិញ្ញាបត្រនិងកំពុងធ្វើការនៅក្រសួងសេដ្ឋកិច្ចនិងហិរញ្ញវត្ថុផ្នែកពន្ធដារឱ្យបន្តរៀនយកបរិញ្ញាបត្រជាន់ខ្ពស់តទៅទៀត។ ជូនពរកូនប្រុសទាំងពីរជួបតែសេចក្តីសុខនិងសម្រេចនូវបំណងប្រាថ្នាដែលកូនចង់បាន»។
គួរបញ្ជាក់ថាមុនពេលជួបសម្តេច តេជោ និស្សិតហុង ភារិន ក៏បានជួបជាមួយមន្ត្រីជាន់ខ្ពស់កម្ពុជាមួយចំនួនដូចជាឯកឧត្តម ស៊ុន ចាន់ថុល លោកជំទាវ ម៉ែន សំអន និងឯកឧត្ត គួច ចំរើន ជាដើម៕