តើអ្នកដឹងទេ រថភ្លើងត្រូវការចម្ងាយប៉ុន្មាន ដើម្បីបញ្ឃប់ល្បឿន?

2019-09-07 08:19:53
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រាកដជាដឹងហើយថា រថភ្លើងមិនអាចឈប់បានភ្លាមៗនោះទេ។ បើជា រថភ្លើងដឹកទំនិញ ជាមធ្យម ត្រូវការរយៈចម្ងាយពី ១ ទៅ ១.២៥ ម៉ាយ បើគិតជាគីឡូម៉ែត្រប្រមាណជា (១,៦ គីឡូម៉ែត្រទៅ ២ គីឡូម៉ែត្រ)។

ក្រោយក្បាលរថភ្លើងកំណត់ប្រើហ្រ្វាំង Emergency Brake បានពេញលេញ អំឡុងពេលរថភ្លើងបើកក្នុងល្បឿន ៥៥ម៉ាយក្នុងមួយម៉ោង(៨៨គីឡូម៉ែត្រ/ក្នុងមួយម៉ោង) អាចត្រូវការរយៈចម្ងាយឆ្ងាយជាង ២ គីឡូម៉ែត្រទៀត ដើម្បីបញ្ឈប់វា។

#ចុះតើវាខុសគ្នាយ៉ាងដូចម្តេច បើធៀបនិងយានយន្តដទៃទៀត?

បើតាមទិន្នន័យពី National Safety Council

រថយន្តដឹកអ្នកដំណើរធន់ស្រាល ធ្វើដំណើរល្បឿន ៥៥ម៉ាយ ក្នុងមួយម៉ោង(៨៨គីឡូម៉ែត្រ/ក្នុងមួយម៉ោង) ត្រូវការរយៈចម្ងាយ ២០០ ហ្វីត(៦០ ម៉ែត្រ)ដើម្បីឈប់ បើសម្បកកង់ និងហ្វ្រាំងនៅមានគុណភាព ហើយផ្លូវស្ងួត។
រថយន្តក្រុង ត្រូវការចម្ងាយ ២៣០ ហ្វីត(៧០ ម៉ែត្រ)ក្នុងការឈប់។
រថយន្តដឹកទំនិញ អាចឈប់នៅរយៈចម្ងាយ ៣០០ ហ្វីត(៩០ ម៉ែត្រ) ដែលជាប្រវែងទីលានបាល់ទាត់មួយ។
រថភ្លើងធន់ស្រាល (មានប្រវែងខ្លីល្មម) ត្រូវការចម្ងាយ ៦០០ ហ្វីត(១៨២ ម៉ែត្រ)ដើម្បីឈប់។ ដែលចម្ងាយនេះ បើគិតជា ប្រវែងទីលានបាល់ចំនួន ២។
បើប្រៀបធៀបទៅនឹង រថភ្លើងដឹកទំនិញធ្ងន់ ធ្វើដំណើរ ៥៥ ម៉ាយក្នុងមួយម៉ោង(៨៨គីឡូម៉ែត្រ/ក្នុងមួយម៉ោង) ត្រូវការរយៈចម្ងាយស្មើនឹងប្រវែងទីលានបាល់ចំនួន ១៨ គឺប្រមាណជា ៨៨៥១៣,៩ ម៉ែត្រ។

ដូចនេះ ពេលដឹងថា រថភ្លើងកំពុងរត់លើផ្លូវ ចម្ងាយណាដ៏ដោយ អ្នកមិនគួរឆ្លងភ្លាមៗនោះទេ ត្រូវចាំឲ្យវាផុតសិន ព្រោះវាអាចឲ្យអ្នកគ្រោះថ្នាក់បាន ជាពិសេសពេលយប់៕

អានអត្ថបទ

ប្រភព៖ minnesotasafety

អត្ថបទ៖ ប៊ុនធឿន