Messi ថានឹងទៅ បើ Ronaldo ហៅបាយល្ងាចជាមួយគ្នា
- 2019-09-13 02:12:06
- ចំនួនមតិ 0 | ចំនួនចែករំលែក 0
Messi ថានឹងទៅ បើ Ronaldo ហៅបាយល្ងាចជាមួយគ្នា
ចន្លោះមិនឃើញ
ខ្សែប្រយុទ្ធ Lionel Messi បានបញ្ជាក់ថារូបគេកំពុងចាំផ្លូវ Cristiano Ronaldo ដើម្បីអញ្ជើញទៅញ៉ាំអាហារពេលល្ងាចជាមួយគ្នាមួយពេលដូចការលើកឡើងលើកមុន។
អំឡុងពេលចូលរួមកម្មវិធីប្រកាសកីឡាករឈ្នះពានរង្វាន់កីឡាករល្អបំផុតនៅអឺរ៉ុប Ronaldo បានបញ្ជាក់ថាទំនាក់ទំនងរវាងខ្លួននិង Messi គឺជាមិត្តល្អនឹងគ្នា ដោយគ្រាន់តែមិនទាន់រកពេលបានដើម្បីញ៉ាំអាហារពេលល្ងាចជាមួយគ្នាប៉ុណ្ណោះ។ ខ្សែប្រយុទ្ធ Juventus នេះ បានបន្ថែមទៀតថាកាលពីលេងនៅ Real Madrid គឺ Messi ជាអ្នកធ្វើឱ្យខ្លួនគេល្អ ហើយខ្លួនគេផ្ទាល់ក៏ជាអ្នកជំរុញឱ្យ Messi ល្អវិញផងដែរ។
ឆ្លើយតបជាមួយការចង់ហៅបាយល្ងាចនេះដែរ កីឡាករអាហ្សង់ទីនបានឆ្លើយថារូបគេមិនមានបញ្ហាអ្វីនោះទេ ហើយក៏នឹងចាំការអញ្ជើញទៅញ៉ាំអាហារពេលល្ងាចរបស់ Ronaldo ផងដែរ។ “ខ្ញុំគ្មានបញ្ហាជាមួយគាត់ទេ។ យើងប្រហែលជាមិនមែនជាមិត្តល្អ ព្រោះមិនលេងក្រុមតែមួយ ប៉ុន្តែខ្ញុំតែងតែមើលគាត់ ហើយគ្មានបញ្ហាទេ។ បើគាត់ហៅខ្ញុំទៅញ៉ាំបាយ ខ្ញុំប្រាកដជាទទួលយកមិនខាន”។ សម្ដី Messi ៕