ស្មាតហ្វូនកាមេរ៉ា AI ៥ គ្រាប់បើកទទួលការកុម្ម៉ង់ទិញហើយ!
- 2019-09-13 02:19:43
- ចំនួនមតិ 0 | ចំនួនចែករំលែក 0
ស្មាតហ្វូនកាមេរ៉ា AI ៥ គ្រាប់បើកទទួលការកុម្ម៉ង់ទិញហើយ!
ចន្លោះមិនឃើញ
ស្មាតហ្វូន Huawei nova 5T កាមេរ៉ា AI 5 គ្រាប់ បានបង្ហាញវត្តមានជាផ្លូវការនៅប្រទេស កម្ពុជា ជាមួយនឹងការប្រកាសពីការកុម្ម៉ង់ទិញទុកមុនចាប់ពីថ្ងៃ ១២ កញ្ញា នេះតទៅរហូតដល់ថ្ងៃ ១៨ កញ្ញា ក្នុងតម្លៃដ៏រំជើបរំជួល ត្រឹមតែ ៣៩៩ ដុល្លារ ជាមួយការថែមកាតាបដ៏ស្រស់ស្អាតមួយឥតគិតថ្លៃ ដោយអ្នកនឹងទទួលបានស្មាតហ្វូននេះមុនគេ នៅថ្ងៃ ២០ កញ្ញា។
nova 5T មានបំពាក់ដោយកាមេរ៉ា AI ចំនួន ៥ គ្រាប់ដែលកាមេរ៉ាក្រោយមានរហូតដល់បួនគ្រាប់។ កាមេរ៉ាទីមួយ មានទំហំ 48MP ដែលអាចផ្ដិតយករូបភាពច្បាស់ត្រជាក់ភ្នែកគ្រប់ប្លង់ កាមេរ៉ាទីពីរមានទំហំ 16MP មានមុខងារអាចថត Super Wide-Angle កាមេរ៉ាទីបី មានទំហំ 2MP មានមុខងារថតបែបព្រាល និង កាមេរ៉ាទីបួនទំហំ 2MP មានមុខងារថតបែប Macro។ ចំណែកឯ កាមេរ៉ាសែលហ្វី មានទំហំធំរហូត 32MP អាចសែលហ្វីស្អាតដូចតារា គ្រប់ពេលវេលាគ្រប់ទីកន្លែង។
ស្មាតហ្វូនបានរចនាឡើងប្រកបដោយភាពច្នៃប្រឌិតខ្ពស់ ទាក់ទាញ ខុសប្លែកពីស្មាតហ្វូនដទៃជាមួយជម្រើសបីពណ៌គឺពណ៌ស្វាយ (Midsummer Purple) ដែលជាពណ៌ប្រដេញ ចែងចាំង និងមានការឌីហ្សាញជាអក្សរ nova នៅផ្នែកខាងក្រោយដំបូងគេបង្អស់ ដែលមិនទាន់មានស្មាតហ្វូនណាមានការរចនាបែបនេះពីមុនមកឡើយ ពណ៌ខៀវ (Crush Blue) និងពណ៌ខ្មៅ (Black)។
Huawei nova 5T បំពាក់ដោយអេក្រង់លាតពេញផ្ទៃទំហំ ៦,២៦ អ៊ីញជាប្រភេទ Punch Fullview Display។ ថាមពលថ្មទំហំ៣៧៥០ mAh សាកថ្មបានលឿនដោយបច្ចេកវិទ្យា Supercharge សាក ៣០ នាទីបាន ៥០% ដំណើរការដោយអង្គប្រតិបត្តិការ Huawei Kirin 980 និង GPU Turbo 3.0 ដំណើរការប្រព័ន្ធប្រតិបត្តិ EMUI 9.1 អង្គផ្ទុកទិន្នន័យ និងអង្គចងចាំ ( 8GB +128GB)។ កាន់តែពិសេសទៀតនោះ nova 5T ក៏បំពាក់ដោយការដោះសោបែបថ្មីផងដែរ ដែលអ្នកអាចធ្វើការស្កេនក្រយៅដៃលើផ្នែកខាងស្ដាំនៃតួទូរសព្ទ។
អ្នកអាចធ្វើការកុម្ម៉ង់ទិញទុកមុននូវ Huawei nova 5T នៅតាមបណ្តាហាងទូរសព្ទនៅទូទាំងប្រទេសដែលនៅជិតអ្នកបំផុត។ ព័ត៌មានបន្ថែមសូមអាចចូលទៅកាន់ ៖
វិបសាយ ៖ https://consumer.huawei.com/kh/
ទំព័រ Facebook ៖ https://www.facebook.com/huaweimobilekh