មុនប៉ះក្រោនល្ងាចនេះ ក្រុមស្វាយរៀងអវត្តមានកីឡាករសំខាន់៤នាក់
- 2019-09-19 02:30:13
- ចំនួនមតិ 0 | ចំនួនចែករំលែក 0
មុនប៉ះក្រោនល្ងាចនេះ ក្រុមស្វាយរៀងអវត្តមានកីឡាករសំខាន់៤នាក់
ចន្លោះមិនឃើញ
នៅម៉ោង៦ល្ងាចនេះ ក្រុមភ្នំពេញក្រោន នឹងត្រូវប៉ះក្រុមព្រះខ័នរាជស្វាយរៀង នៅវគ្គពាក់កណ្ដាលផ្ដាច់ព្រ័ត្រ ពានរង្វាន់ Hun Sen Cup 2019 ។
មុនការប្រកួតនេះចាប់ផ្ដើម លោក Conor Nestor គ្រូបង្វឹកក្រុមស្វាយរៀងបានបញ្ជាក់ថាបច្ចុប្បន្ននេះក្រុមមានបញ្ហាកីឡាកររបួសច្រើន។ ជាក់ស្ដែង សឿយ វិសាល, សុខ សំណាង, ប្រាក់ មុន្នីឧត្តម និង គន្ធា រ៉ាវ៉ាន់ សុទ្ធតែមានបញ្ហារបួស ដែលអាចនឹងធ្វើឱ្យពួកគេមិនអាចចូលជួយក្រុមបានទេ នៅល្ងាចនេះ។ ត្បិតតែយ៉ាងនេះក្ដី លោក Conor ក៏នៅមានទំនុកចិត្តលើកូនក្រុមដទៃទៀតសម្រាប់ការប្រកួតទល់ក្រុមភ្នំពេញក្រោនដែរ។
ងាកទៅខាងលោក ស៊ុំ វណ្ណា គ្រូបង្គោលស្ដីទីភ្នំពេញក្រោនវិញ បានបញ្ជាក់ថាលោកសង្ឃឹម៥០%សម្រាប់ប្រកួតនេះ។ Hun Sen Cup ប្រើតែកីឡាករកម្ពុជា ដូច្នេះវាខុសពីលីគដែលមានលាយបរទេស ហើយលទ្ធផលប៉ះស្វាយរៀងនៅលីគក៏មិនប៉ះពាល់ដល់ការប្រកួតនេះដែរ។ សម្រាប់ក្រុមក្រោន ក៏មានបញ្ហាកីឡាកររបួសដូចគ្នា ដូចជា សេត រ៉ូហ្សាក់, ពៅ ប៉ុនវុទ្ធី និងជួន ចាន់ចាវ ជាដើម។
ក្រុមទាំងពីរខាងលើនឹងត្រូវប្រកួតគ្នាយកចាញ់ឈ្នះ ដើម្បីឡើងទៅវគ្គផ្ដាច់ព្រ័ត្រ ប៉ះក្រុមបឹងកេត ដែលឈរចាំស្រាប់ ក្រោយពីយកឈ្នះលើក្រុមវិសាខា ៤-០ យប់មិញ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
