អត់សរសើរមិនបាន! ប្រធានចុះមកផ្តល់សេវាបម្រើអតិថិជនផ្ទាល់ ឯបុគ្គលិកស្លៀកពាក់ប្រពៃណីខ្មែរទៀត
- 2019-09-23 08:50:04
- ចំនួនមតិ 0 | ចំនួនចែករំលែក 0
អត់សរសើរមិនបាន! ប្រធានចុះមកផ្តល់សេវាបម្រើអតិថិជនផ្ទាល់ ឯបុគ្គលិកស្លៀកពាក់ប្រពៃណីខ្មែរទៀត
ចន្លោះមិនឃើញ
កាលពីថ្ងៃទី ១៩ កញ្ញា ២០១៩នេះ ដើម្បីអបអរពិធីបុណ្យភ្ជុំបិណ្ឌ ធនាគារ CIMB បានរៀបចំពិធីទិវាថ្លែងអំណរគុណដល់អតិថិជននៅគ្រប់សាខាទាំង ១៤ទូទាំងប្រទេស និងតុបតែងក្នុងសាខាជាលក្ខណៈខ្មែរបុរាណ ដោយបុគ្គលិកទាំងអស់ក៏ស្លៀកពាក់បែបប្រពៃណីខ្មែរ និងផ្ដល់ជូននូវអនុស្សាវរីយ៍ជាច្រើនដល់អតិថិជន។
កាន់តែបង្កើតនូវភាពរំភើបរីករាយនោះ លោក ប៊ុន យីន ប្រធាននាយកប្រតិបត្តិ (CEO) នៃធនាគារ CIMB ថែមទាំងបានចុះប្រើសេវាកម្ម និងជួបអតិថិជនដោយផ្ទាល់ផងដែរ។ លោកបានឲ្យដឹងថា ៖ «អតិថិជនគឺជាអ្វី ដែលយើងផ្ដោតការយកចិត្តទុកដាក់ខ្លាំងបំផុត ហើយកម្មវិធីដែលបានរៀបចំនេះ គឺជាការផ្សារភ្ជាប់ទំនាក់ទំនង រវាងថ្នាក់ដឹកនាំធនាគារ និងអតិថិជនឲ្យកាន់តែជិតស្និត»។
ក្នុងអំឡុងពេលតែមួយថ្ងៃ ប៉ុន្តែមានអតិថិជនរាប់រយនាក់ បានចូលរួមប្រារព្ធទិវាថ្លែងអំណរគុណអតិថិជននេះ នៅគ្រប់សាខារបស់ធនាគារ CIMB។ នេះគឺជាលើកទី៣ហើយដែលធនាគារ CIMB បានរៀបចំព្រឹត្តិការណ៍រំភើបរីករាយបែបនេះ។
ធនាគារ CIMB តែងតែមានកម្មវិធីពិសេសៗ ព្រមទាំងចូលរួមអបអរសាទរគ្រប់ពិធីបុណ្យប្រពៃណីជាតិខ្មែរ មិនតែប៉ុណ្ណោះការចុះជួប និងបម្រើអតិថិជនដោយផ្ទាល់នោះគឺមិនមែនជាលើកទី១នោះទេ ដែលលោក ប៊ុន យីន ( CEO) តែងតែបង្កើតភាពស្និត ស្នាល ដើម្បីថ្លែងអំណរគុណដល់ផ្ញៀវដោយផ្ទាល់។
គួរឲ្យកត់សម្គាល់ផងដែរថា ធនាគារ CIMB ដែលជាធនាគារមកពីបរទេស ប៉ុន្តែលើកស្ទួយដល់យុវជនខ្មែរ ព្រោះថាបុគ្គលិកទាំងអស់ព្រមទាំងថ្នាក់ដឹងនាំ សុទ្ធតែជាកូនខ្មែរ។
ជាក់ស្ដែងមើលតាមរូបភាព ខាងក្រោមនេះមានទាំងការវិចខ្ចប់នំអន្សមខ្មែរ ព្រមទាំងសំលៀកបំពាក់បែបប្រពៃណី ជាមួយស្នាមញញឹមទាំងបុគ្គលិក និងអតិថិជន៕