អុញ! អនុប្រធាន Amazon ពាក់ AirPods ពេលផ្សព្វផ្សាយពីកាសស្ដាប់ថ្មី

2019-09-26 01:56:50
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន Amazon បានបង្ហាញចេញផលិតផលថ្មីៗជាច្រើន ដែលអាចដំណើរការជាមួយនឹងជំនួយការសិប្បនិម្មិត Alexa បាន ហើយក្នុងនោះក៏រួមមាន Echo Buds ដែលជាគូប្រជែង AirPods ផងដែរ។

Echo Buds គឺជាកាសឥតខ្សែមួយ ដែលអាចធ្វើការកុម្ម៉ង់ទិញនាពេលនេះក្នុងតម្លៃ ១២៩ ដុល្លារ ប៉ុន្តែអនុប្រធាន Amazon មិនទាន់មានកាសថ្មីនេះប្រើនៅឡើយទេ។

ក្រោយពីចប់កម្មវិធីពិសេសរបស់ Amazon លោក Dave Limp អនុប្រធានជាន់ខ្ពស់នៃផលិតផលនិងសេវាកម្ម Amazon បាននិយាយអំពីផលិតផលថ្មីជាមួយសារព័ត៌មាន Bloomberg។ នៅក្នុងកិច្ចសម្ភាសន៍លោក Dave ត្រូវបានគេមើលឃើញថាមានពាក់កាស AirPods នៅជាប់ត្រចៀក ពេលនិយាយអំពីផលិតផលថ្មី។

កន្លងមកគេតែងតែឃើញគូប្រជែង Apple ប្រើប្រាស់ផលិតផល Apple មានតាំងពីក្រុមហ៊ុន និងតារាៗដែលជាអ្នកតំណាងម៉ាកផលិតផល។ ប៉ុន្តែក្នុងករណីខាងលើនេះ វាអាចទៅរួចដែលថា Bloomberg បានផ្ដល់នូវកាស AirPods ដល់លោក Dave ដើម្បីជួយសម្រួលដល់ការសម្ភាសន៍បន្តផ្ទាល់៕

ចុចអាន ៖ Apple ដាស់តឿនឲ្យប្រយ័ត្នចន្លោះប្រហោងមួយលើ iOS 13.1 ព្រោះមិនទាន់ដោះស្រាយចេញ

ប្រភព៖ 9to5Mac ប្រែសម្រួល៖ សុខហេង