សហព័ន្ធកីឡាការ៉ាតេ បើកការប្រកួតជ្រើសរើសជើងឯកជាតិ ២០១៩ ព្រឹកនេះហើយ
- 2019-10-03 08:05:29
- ចំនួនមតិ 0 | ចំនួនចែករំលែក 0
សហព័ន្ធកីឡាការ៉ាតេ បើកការប្រកួតជ្រើសរើសជើងឯកជាតិ ២០១៩ ព្រឹកនេះហើយ
ចន្លោះមិនឃើញ
សហព័ន្ធកីឡាការ៉ាតេកម្ពុជា បើកយុទ្ធនាការប្រកួតជ្រើសរើសជើងឯកថ្នាក់ជាតិរបស់ខ្លួនព្រឹកមិញនេះហើយ នៅឯសកលវិទ្យាល័យភូមិន្ទភ្នំពេញ ខណៈការប្រកួតធ្វើឡើងរយៈពេល៣ថ្ងៃទើបបញ្ចប់។
លោក ឡាច ច័ន្ទដារ៉ា អគ្គលេខាធិការរងសហព័ន្ធ បានឲ្យដឹងថា សម្រាប់ការប្រកួតជ្រើសរើសជើងឯកថ្នាក់ជាតិឆ្នាំ២០១៩នេះ គឺមានកីឡាករ កីឡាការិនី រួមនិងគណៈប្រតិភូសរុបទាំងអស់ ១៦៦នាក់ចូលរួម។ ក្នុងនោះកីឡាករមានចំនួន ៨៦នាក់ និងកីឡាការិនីមាន ៣៥នាក់ មកពី២១ក្លឹប។
ឯកឧត្ដម លឹម គានហោ អនុប្រធានសហព័ន្ធខាងលើនេះបានឲ្យដឹងដែរថា ចំពោះការប្រកួតនេះគឺជាការវាស់ស្ទងសមត្ថភាព ប្រាជ្ញាស្មារតី និងជ្រើសរើសអ្នកខ្លាំងពិតប្រាកដ ដូច្នេះកីឡាករចូលរួមទាំងអស់ត្រូវខំប្រឹងប្រែងប្រកួត។ បន្ទាប់ពីនេះទៀតនោះសិស្សគុនការ៉ាតេទាំងអស់ត្រូវពង្រឹងសមត្ថភាព ខំប្រឹងហាត់ និងយកចិត្តទុកដាក់ឲ្យខ្លាំងមែនទែន ក្នុងការបង្កើនសមត្ថភាពដើម្បីឈានទៅរកភាពជោគជ័យលើឆាកអន្តរជាតិដូចប្រភេទកីឡាផ្សេងៗ ជាពិសេសនៅព្រឹត្តិការធំៗដូចជាជើងឯកអាស៊ីលើកទី៩ នៅហ្វីលីពីន ឆ្នាំ២០២០ និងនៅស៊ីហ្គេម ២០២៣ ដែលកម្ពុជាធ្វើជាច្ចាស់ផ្ទះជាដើម។
រំលឹកដែរថា កម្មវិធីប្រកួតជ្រើសរើសជើងឯកថ្នាក់កីឡាការ៉ាតេ ឆ្នាំ២០១៩ នេះធ្វើឡើងរយៈពេល៣ថ្ងៃគឺចាប់ពីថ្ងៃទី៣ ដល់ទី៦ ខែតុលា ២០១៩ នៅក្នុងសកលវិទ្យាល័យភូមិន្ទភ្នំពេញ៕
គ្រាន់តែឃើញគុណប្រយោជន៍ទាំងនេះ ដឹងតែចង់ទៅរត់ម៉ារ៉ាតុងនៅអង្គរវត្ត ចុងឆ្នាំហ្នឹងហ្មង!
រឿង សោភ័ណ្ឌ ប្រាប់អ្នកគាំទ្រថា៣ទឹកលើកនេះ ទាល់តែសន្លប់សែងចេញទើបឈប់វ៉ៃ
ខ្វះតែ៤គ្រាប់ទៀត Salah នឹងតាមទាន់កំណត់ត្រា Gerrard នៅ UCL