ប្រកួត UEL នៅលុចហ្សំបួរត្រូវបានផ្អាក ដោយសារមាន Drone បង្ហោះទង់ជាតិរដ្ឋមួយ
- 2019-10-04 11:14:45
- ចំនួនមតិ 0 | ចំនួនចែករំលែក 0
ប្រកួត UEL នៅលុចហ្សំបួរត្រូវបានផ្អាក ដោយសារមាន Drone បង្ហោះទង់ជាតិរដ្ឋមួយ
ចន្លោះមិនឃើញ
ក្នុងការប្រកួតរវាងក្លឹបលុចហ្សំបួរ F91 Dudelange និងក្លឹបអាហ្សេបៃហ្សង់ Qarabag ត្រូវបានផ្អាកជាង ២០នាទី ក្រោយពេលដែលមាន Drone បង្ហោះទង់ជាតិនៃតំបន់ Nagorno-Karabakh ដែលជាតំបន់បំបែករដ្ឋពីប្រទេសអាហ្សេបៃហ្សង់។
Drone នេះបានបង្ហាញឡើងអំឡុងពេល ដែលក្លឹប Qarabag នាំមុខ ២-០។ ការបង្ហោះទង់ជាតិនេះ ធ្វើឲ្យកីឡាករអាហ្សេបៃហ្សង់ខឹង រហូតធ្វើឲ្យកីឡាករម្នាក់ព្យាយាមផ្លោងបាល់ ដើម្បីទម្លាក់ Drone នោះ។
ការប្រកួតបានបញ្ចប់ទៅក្នុងលទ្ធផលដោយ Qarabag ឈ្នះ ៤-១។
ជម្លោះដែនដីរវាងអាហ្សេបៃហ្សង់ និងអាមិននៀ
អាហ្សេបៃហ្សង់ និងអាមិននៀ បានប៉ះទង្គិចគ្នា រហូតដល់មានសង្គ្រាមនៅឆ្នាំ១៩៨៨ រឿងទឹកដីតំបន់ Nagorno-Karabakh។ ប្រទេសទាំងពីរបានចុះបទឈប់បាញ់នៅឆ្នាំ១៩៩៤។ យ៉ាងណាមិញ ជាក់ស្ដែងសង្គ្រាមនៅតែបន្ត។
តំបន់ Nagorno-Karabakh ត្រូវបានទទួលស្គាល់ផ្លូវការថាជា ទឹកដីរបស់អាហ្សេបៃហ្សង់។ ទោះជាយ៉ាងណាក៏ដោយ ក្នុងតំបន់នោះភាគច្រើនមានជនជាតិអាមិននៀរស់នៅ ហើយស្ថិតក្នុងស្ថានភាពជារដ្ឋផ្ដាច់ខ្លួន៕