អាងទឹកនៅអូឡាំពិក ចាប់ផ្ដើមចេញរាងស្អាតបណ្ដើរៗហើយខណៈការសាងសង់ក៏ជិតរួចរាល់

2019-10-07 02:18:28
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីចំណាយពេលជួសជុលអស់ជាច្រើនខែកន្លងមក ឥលូវនេះអាងហែលទឹក អាងលោតទឹក និងកន្លែងសំខាន់ៗមួយចំនួនទៀតជួសជុល និងបំពាក់ឧបករណ៍ថ្មីទំនើបជិតរួចរាល់ហើយ។

ទិដ្ឋភាពពេលត្រួតពិនិត្យ

ឯកឧត្ដម ស៊ុន ចាន់ថុល ប្រធានសហព័ន្ធខាងលើនេះ បានឲ្យដឹងនាពេលចុះត្រួតពិនិត្យថា បើតាមការមើលឃើញផ្ទាល់ពីការសាងសង់នេះ គឺរួចរាល់ប្រហែល ៨៥% ហើយ ប៉ុន្តែនៅកន្លែងមួយចំនួនត្រូវកែប្រែថ្មីវិញ។ ប្រធានសហព័ន្ធខាងលើនេះ បញ្ជាក់ថា ចំណុចរបងដែលជាប់និងអាងហែលទឹកនោះ គឺត្រូវដកចេញ ដើម្បីឲ្យអ្នកទស្សនាងាយស្រួលមើល ចំណែកអេក្រង់មើលពិន្ទុអាចនឹងដូរឲ្យធំជាងមុន ងាយស្រួលកីឡាករមើលឃើញ។ នៅអាងលោតទឹកក៏ត្រូវដាក់អេក្រង់មើលពិន្ទុ១ទៀតដែរ ព្រោះមិនអាចមកមើល អេក្រង់ ខាងអាងហែលនោះទេវាឆ្ងាយ និងចំណុចមួយចំនួនទៀតក៏ត្រូវកែប្រែផងដែរ។

ទិដ្ឋភាពពេលត្រួតពិនិត្យ

រំលឹកដែរថា ឯកឧត្ដម ស៊ុន ចាន់ថុល ប្រធានសហព័ន្ធកីឡាហែលទឹកកម្ពុជា និងឯកឧត្ដម ស សុខា បានចុះទៅត្រួតពិនិត្យការជួសជុលអាងហែលទឹកនៅពហុកីឡដ្ឋានជាតិ កាលពីថ្ងៃសុក្រ ទី៤ ខែតុលា ឆ្នាំ២០១៩៕