មកដឹងអារម្មណ៍ស្រីៗអ៊ីរ៉ង់ បានមើលបាល់លើកដំបូងក្នុងជីវិត ប៉ះកម្ពុជាយប់មិញ
- 2019-10-11 04:20:05
- ចំនួនមតិ 0 | ចំនួនចែករំលែក 0
មកដឹងអារម្មណ៍ស្រីៗអ៊ីរ៉ង់ បានមើលបាល់លើកដំបូងក្នុងជីវិត ប៉ះកម្ពុជាយប់មិញ
ចន្លោះមិនឃើញ
នេះជាលើកដំបូងក្នុងរយៈពេល៤០ឆ្នាំ ដែលនារីៗនៅប្រទេសអ៊ីរ៉ង់ មានឱកាសបានចូលទស្សនាការប្រកួតកីឡាបាល់ទាត់ក្នុងកីឡដ្ឋានរបស់ខ្លួន។
លើកដំបូងនេះដែរ គឺអ៊ីរ៉ង់ប៉ះកម្ពុជា ហើយពួកគេទទួលបានជ័យជម្នះយ៉ាងធំធេងជាប្រវត្តិសាស្ត្រ ១៤-០ ថែមទៀត។ នារីៗ ដែលមានគ្នាប្រមាណ៤ពាន់នាក់នោះ ត្រូវបានគេសម្ភាសន៍ និងផ្ដល់ចំណាប់អារម្មណ៍សប្បាយរីករាយ ហើយខ្លះអបអររហូតដល់ស្រក់ទឹកភ្នែកថែមទៀត ព្រោះថានេះជាប្រវត្តិសាស្ត្រថ្មីក្នុងប្រទេសអ៊ីរ៉ង់ហើយដែលនារីអាចចូលមើលបាល់បាននេះ។
ស្ត្រីម្នាក់បានបង្ហោះលើបណ្ដាញសង្គមពេលចប់ការប្រកួតថា៖ “យើងសប្បាយណាស់រយៈពេល៣ម៉ោងក្នុងកីឡដ្ឋាននេះ។ គ្រប់គ្នាសើច ខ្លះយំ ព្រោះយើងសប្បាយចិត្តខ្លាំងពេក។ យើងទទួលបានបទពិសោធបែបនេះយឺតបន្តិចក្នុងជីវិតមែន ប៉ុន្តែខ្ញុំសប្បាយចិត្តជាមួយនារីក្មេងៗ ដែលបានមកទស្សនាការប្រកួតនេះ”។
ក្រុមនារី៤ពាន់នាក់ដែលត្រូវបានលក់សំបុត្រចូលមើលការប្រកួតនេះ គឺត្រូវនៅ១ផ្នែកពីបុរស ដោយមានប៉ូលិសស្រីជាអ្នកមើលការខុសត្រូវ។ អ៊ីរ៉ង់បានអនុញ្ញាតឱ្យស្ត្រីចូលមើលបាល់ទាត់នេះ ដោយសារតែ FIFA ជាអ្នកសម្របសម្រួល។ FIFA នឹងដាក់បម្រាមសម្រាប់ប្រទេសនេះ ប្រសិនបើមិនឱ្យស្ត្រីមានសិទ្ធិស្មើបុរសចូលមើលកីឡាបាល់ទាត់៕