ឡៅ ចិត្រា វៃ លន បញ្ញា ធ្លាក់ក្អួត យកខ្សែក្រវាត់មាស ISI PALM ប្រាក់រង្វាន់១ម៉ឺនដុល្លារ

2019-10-13 06:42:59
ចំនួនមតិ 0 | ចំនួនចែករំលែក 0

ចន្លោះមិនឃើញ

ជើងខ្លាំងមកពីឆត្រយោង ៩១១ ឡៅ ចិត្រា ក្លាយជាម្ចាស់ខ្សែក្រវាត់មាស ISI PALM រជ្ជកាលទីមួយ ក្រោយយកឈ្នះសិស្សប្អូនមកពីក្រសួងការពារជាតិ លន បញ្ញា ទឹក២ មុននេះក្នុងកម្មវិធីអធិរាជគុនខ្មែរ ISI PALM លើសង្វៀន PNN។

រូបភាពផ្ដល់ជូនពី ISI

កីឡាករ ឡៅ ចិត្រា បើកឆាកប្រកួតភ្លាម មិនសូវជាស្ទាបស្ទង់ច្រើននោះឡើយ ពោលគឺដូចទៅនិងការប្រកួតមុនៗដែរ ពេលឡើងដល់សង្វៀនដឹងតែវ៉ៃអស់ពីសមត្ថភាពតែម្ដង មិនសូវជាប្រោះដៃគូទេ។ ប្អូនប្រុសរបស់ ចន្រ្ទា ប្រើស្នៀតទាត់ធ្ងន់ៗទៅលើ លន បញ្ញា រហូតទទួលបានជ័យជម្នះនៅត្រឹមទឹក២នៅមុននេះ។ បញ្ញា ក្នុងប្រកួតនេះ ធ្ងន់ខ្លាំងហើយ ដោយបោះបង់ការប្រកួតទឹក២នេះ គឺធ្លាក់ក្អួតតែម្ដង ព្រោះត្រូវធ្ងន់ពេក។

កីឡាករ ឡៅ ចិត្រា

បញ្ជាក់ថា កីឡាករ ឡៅ ចិត្រា ក្លាយជាម្ចាស់ខ្សែក្រវាត់មាស ISI PALM រជ្ជកាលទីមួយ បន្ទាប់ពីយកឈ្នះ លន បញ្ញា មិញនេះក្នុងកម្មវិធី អធិរាជគុនខ្មែរ ISI PALM លើសង្វៀន PNN ។ ម្ចាស់ខ្សែក្រវាត់មាសទទួលបានប្រាក់រង្វាន់១ម៉ឺនដុល្លារ៕

អត្ថបទ៖ នួន ស៊ីណា