អ៊ីរ៉ាក់ ទាបជាងអ៊ីរ៉ង់តិច តើកម្ពុជាលេងប្រយុទ្ធទៀតឬការពារខ្លាចធ្លាយច្រើនគ្រាប់?

2019-10-14 02:10:02
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមបាល់ទាត់ជម្រើសជាតិកម្ពុជា នឹងប៉ះក្រុមអ៊ីរ៉ាក់នៅថ្ងៃស្អែកនេះ វេលាម៉ោង៦:៣០នាទីល្ងាច នៅពហុកីឡដ្ឋានជាតិ វគ្គជម្រុះ World Cup 2022 ។

កម្រិតសមត្ថភាពវិញ ក្រុមអ៊ីរ៉ាក់នេះមិនអន់ជាងអ៊ីរ៉ង់ប៉ុន្មាននោះទេ ដូច្នេះហើយការប្រកួតនឹងធ្វើឱ្យកម្ពុជាពិបាកជាក់ជាមិនខាន។ ជាមួយការដឹងមុននេះ លោក Felix គ្រូបង្វឹកកម្ពុជាក៏បានត្រៀមខ្លួន ជាស្រេចហើយដែរ។ បុរសសញ្ជាតិអាហ្សង់ទីន បានបង្ហើបថាលោកនឹងប្ដូរក្បួនខ្លះៗ ប៉ុន្តែអ្វីដែលនឹងមិនប្ដូរនោះគឺការហានលេង និងលេងតាមអ្វីដែលជាយុទ្ធសាស្ត្ររបស់ក្រុមកម្ពុជា។ កម្ពុជាកំពុងស្ថិតនៅក្នុងដំណាក់កាលអភិវឌ្ឍដូច្នេះ ក្រុមមិនអាចគិតតែលើលទ្ធផលនោះទេ។

រំលឹកថាកម្ពុជាឆ្លងកាត់ការប្រកួត៣ប្រកួតមកហើយក្នុងវគ្គជម្រុះជុំទី២ពានរង្វាន់ World Cup 2022 នេះ ដោយមាន១ពិន្ទុស្មើក្រុមហុងកុង ក្រោយមកក៏ចាញ់បារ៉ែន ១-០ និងបន្ដចាញ់ក្រុមអ៊ីរ៉ង់១៤-០៕

អត្ថបទ៖ ប្រុស យុទ្ធ