មុនប៉ះកម្ពុជាស្អែក អ៊ីរ៉ាក់ដាក់គោលដៅមិនខុសពីអ៊ីរ៉ង់ឡើយ
- 2019-10-14 04:04:17
- ចំនួនមតិ 0 | ចំនួនចែករំលែក 0
មុនប៉ះកម្ពុជាស្អែក អ៊ីរ៉ាក់ដាក់គោលដៅមិនខុសពីអ៊ីរ៉ង់ឡើយ
ចន្លោះមិនឃើញ
អ៊ីរ៉ាក់នឹងប៉ះក្រុមកម្ពុជានៅថ្ងៃស្អែកវេលាម៉ោង៦:៣០នាទីល្ងាច នៅពហុកីឡដ្ឋានជាតិ ដើម្បីដណ្ដើមគ្នាយក៣ពិន្ទុ វគ្គសន្សំពិន្ទុតាមពូលជុំទី២ ពានរង្វាន់ FIFA World Cup 2022 ។
ក្រុមម្ចាស់ផ្ទះកម្ពុជា ទើបតែទទួលបានមេរៀនជូរចត់ខ្លាំង ដោយសារអ៊ីរ៉ង់លត់ ១៤-០ ថ្មីៗនេះ ស្របពេលអ៊ីរ៉ាក់វិញ ក៏ទើបឈ្នះក្រុមហុងកុង ២-០ ក្នុងដីខ្លួនឯងផងដែរ។ ការប៉ះគ្នានៅថ្ងៃស្អែកនេះ អាចនឹងស្វិតស្វាញខ្លាំងមិនខាន ព្រោះកម្ពុជាលេងក្នុងដីខ្លួនឯង ពិតជាល្អខ្លាំង និងមិនងាយក្រុមណាយកឈ្នះងាយៗនោះទេ។
ងាកទៅមើលអ៊ីរ៉ាក់វិញ សម្រាប់ការប្រកួតជម្រុះ World Cup 2022 លើកនេះ ពួកគេបានដាក់គោលដៅច្បាស់ណាស់ ថានឹងប្រជែងយកកៅអីឱ្យបាន។ ខ្សែការពារ Saad Natiq បាននិយាយកន្លងទៅនេះថា ក្រុមអ៊ីរ៉ាក់ នឹងធ្វើឱ្យបានល្អបំផុតសម្រាប់ការប្រកួតក្នុងពូលនេះ។ ពួកគេមានគោលដៅយកកៅអីសម្រាប់ឡើងទៅវគ្គបន្ដ។
ក្នុងពូល C នេះ ក្រុមអ៊ីរ៉ាក់លេងបាន២ប្រកួតមកហើយ ដោយពួកគេស្មើក្រុមបារ៉ែន ១-១ និងឈ្នះក្រុមហុងកុង ២-០។ ស្របពេលខាងគោព្រៃវិញ លេង៣ប្រកួត ស្មើហុងកុង ១-១ ចាញ់បារ៉ែន ១-០ និងចាញ់អ៊ីរ៉ង់ ១៤-០៕