Luiz ទៅដើរលេងនៅរ្វ៉ាន់ដាហើយ ឆ្លៀតសួរសុខទុក្ខប្រធានាធិបតីទៀត

2019-10-14 12:14:02
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែការពារប្រេស៊ីល David Luiz បានយកឱកាសឈប់សម្រាកសម្រាប់ប្រកួតអន្តរជាតិ ដើម្បីធ្វើដំណើរកម្សាន្តនៅដែនដីអាហ្វ្រិកខាងកើតគឺ ប្រទេសរ្វ៉ាន់ដា។

ក្នុងដំណើរវិស្សមកាលនេះ Luiz មានកិត្តិយសដោយបានចូលជួបសម្ដែងការគួរសមជាមួយលោកប្រធានាធិបតី Paul Kagame។ ឆ្លៀតក្នុងឱកាសនេះដែរ Luiz បានបង្ហាញចំណាប់អារម្មណ៍ថា ខ្លួនមានមោទនភាពក្នុងការតំណាង Arsenal ដើម្បីបង្ហាញពីទំនើបកម្មក្នុងប្រទេសរ្វ៉ាន់ដា។

ការមកកម្សាន្តក្នុងប្រទេសរ្វ៉ាន់ដារបស់ Luiz គឺជាផ្នែកមួយនៃ ភាពជាដៃគូ " Visit Rwanda '' ដែលរដ្ឋាភិបាលនៃប្រទេសនេះ បានព្រមព្រៀងជាមួយ Arsenal កាលពីខែឧសភា ឆ្នាំ២០១៨ កន្លងទៅ។

តាងនាមនៃរដ្ឋាភិបាលរ្វ៉ាន់ដា គណៈកម្មាធិការវិនិយោគរ្វ៉ាន់ដា បានចុះកិច្ចព្រមព្រៀងរយៈពេល ៣ឆ្នាំជាមួយ Arsenal (ដែលយើងអាចឃើញនៅលើដៃអាវរបស់ Arsenal) ក្នុងគោលបំណងលើកកម្ពស់ វិស័យទេសចរណ៍របស់ប្រទេសនេះទៅកាន់ពិភពលោក។

ក្រុមគ្រូបង្វឹក ក៏ដូចជាកីឡាករទាំងនារី ទាំងបុរស ត្រូវតែមកធ្វើការហ្វឹកហាត់ក្នុងប្រទេសនេះ ក៏ដូចជាមកជាលក្ខណៈដំណើរកម្សាន្តផងដែរ៕

ប្រភព៖ Goal ប្រែសម្រួល៖ ហ៊ីម រស្មី