កាច​ណាស់! Fan ឥណ្ឌូណេស៊ី​​​ឈរ​បិទ​ឡាន​កីឡាករ ស្រែក​បណ្ដេញគ្រូ​ជម្រើស​ជាតិ​ចេញ​ពី​តំណែង

  • 2019-10-16 07:16:31
  • ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នក​គាំទ្រ​របស់​ឥណ្ឌូណេស៊ី​បាន​សំដែង​ការ​មិន​ពេញ​ចិត្ត​លើ​គ្រូ​ជម្រើស​ជាតិ​របស់​ពួក​គេ​គេ​លោក Simon McMenemy បន្ទាប់​ពី​លេង​ជម្រុះ World Cup ចាញ់​វៀតណាម ៣-១ នៅ​ទីក្រុង​ចាការតា​កាល​ពី​យប់​មិញ។

ក្រុម​វៀតណាម​រក​បាន​៣​គ្រាប់​មុន​ដែល​ជា​ការ​ទាត់​ចូល​របស់​កីឡាករ Do Duy Manh, Que Ngoc Hai និង Nguyen Tien Linh។ ឥណ្ឌូណេស៊ី​ត្រូវ​រង​ចាំ​ដល់​នាទី​៨៤​ទើប​រក​បាន​មួយ​គ្រាប់​វិញ ដែល​ជា​ការ​សម្រេច​ទី​របស់​កីឡាករ Irfan Bachdim  ប៉ុន្តែ​អ្វី​ៗ​ហាក់​យឺត​ពេល​បាត់​ទៅ។

៤​ប្រកួត​កន្លង​ទៅ​ក្នុង​វគ្គ​ជម្រុះ​ឥណ្ឌូណេស៊ី​ចាញ់​ទាំង​អស់ កំពុង​ស្ថិត​នៅ​បាត​តារាង​ពូល​ G។ លទ្ធផល​បែប​នេះ​ធ្វើ​ឲ្យ​អ្នក​គាំទ្រ​ឥណ្ឌូណេស៊ី​មិន​សប្បាយ​ចិត្ត​ឡើយ។ ពួក​គេ​ចង់​ឲ្យ​សហព័ន្ធ​បាល់ទាត់​ឥណ្ឌូណេស៊ី​បណ្ដេញ​លោក Simon ចេញ​។ ខាង​ក្រោម​ជា​សកម្មភាព​អ្នក​គាំទ្រ​ឥណ្ឌូណេស៊ី​​នាំ​គ្នា​ស្រែក “Simon Out”៕

អត្ថបទ៖ ហេង សុធារិទ្ធិ