ចាប់បានមនុស្ស២នាក់ដែលបង្ខូច និងសរសេរអាក្រក់ពី Song Hye Kyo តាមអនឡាញ

2019-10-17 02:35:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ប៉ូលិសកូរ៉េកាលពីពេលថ្មីៗនេះ ទើបតែចាប់បានមនុស្ស២នាក់ពីបទបរិហាកេរ្តិ៍ ក៏ដូចជាសរសេរcomment អាក្រក់ពីតារាសម្ដែងល្បីឈ្មោះកូរ៉េ Song Hye Kyo។

មុននេះបន្តិច បណ្ដាញព័ត៌មានកូរ៉េ បានរាយការណ៍ថា ប៉ូលិសទើបតែចាប់បានជនល្មើស២នាក់ពីបទចែករំលែកព័ត៌មានមិនពិត។ ជាពិសេស នៅក្នុងចំណោមនោះ មានមនុស្សម្នាក់បានសរសេរកាលពីខែមិថុនាឆ្នាំ២០១៩ថា មូលហេតុដែលកំពូលតារាសម្ដែងស្រីរូបនេះ និងអតីតស្វាមីលែងលះគ្នានោះគឺ មកពីសិល្បការិនីរូបនេះធ្វើជាស្រីលក់ខ្លួនលំដាប់ខ្ពស់ឲ្យអ្នកធំៗនៅប្រទេសចិន។

មុននោះដែរ កាលពីខែកក្កដា ក្រុមហ៊ុនរបស់ស្រីស្អាតរូបនេះបានប្ដឹងមនុស្ស១៥រូបពីបទសរសរអាក្រក់ពីតារារូបនេះនៅលើអ៊ីនធឺណិត តែក្រោយមកមានដល់ទៅ១៣នាក់បានលុបគណនីរបស់ខ្លួនភ្លាមៗ ធ្វើឲ្យប៉ូលិសតាមចាប់ពួកគេមិនបាន។

គួរបញ្ជាក់ផងដែរថា បច្ចុប្បន្ន តួរឿង បំណុលផ្ទះជំពាក់ស្នេហ៍កំពុងនៅសហរដ្ឋអាមេរិក ដើម្បីរៀនបំប៉នការសម្ដែង។ តាមគំរោងការនាងត្រូវត្រលប់មកប្រទេសកូរ៉េវិញនៅថ្ងៃទី១៧ ខែតុលានេះដើម្បីចូលរួមកម្មវិធីមួយ តែក៏បានលុបចោលវិញដើម្បីចូលរួមកាន់ទុក្ខតារាចម្រៀង Sulli៕

ចុចអាន៖ តារាស្រីវីដេអូលេខ១ចិន Li Ziqi ក្លាយជាមហាសេដ្ឋីរាប់សិបលានដុល្លារនៅអាយុ២៩ឆ្នាំ

ប្រភព៖ ngoisao ប្រែសម្រួល៖ Caramel