Zhao Liying បង្ហើបតិចនិកសម្រក១០គីឡូបានលឿនភ្លាមៗក្រោយសម្រាលកូន
- 2019-10-17 04:10:00
- ចំនួនមតិ 0 | ចំនួនចែករំលែក 0
Zhao Liying បង្ហើបតិចនិកសម្រក១០គីឡូបានលឿនភ្លាមៗក្រោយសម្រាលកូន
ចន្លោះមិនឃើញ
ក្រោយពេលសម្រាលកូនរួច តារាសម្ដែងស្រីជួរមុខចិន Zhao Liying ធ្លាប់ឡើងគីឡូយ៉ាងគំហក យ៉ាងណាក្ដីនៅពេលនេះនាងបានយករាងពីក្រមុំរបស់ខ្លួនវិញបានហើយ ដោយការសម្រកបាន១០គីឡូ។
ទោះបីជាមានប្ដី និងកូនរួចហើយក៏ដោយ តែកេរ្តិ៍ឈ្មោះតារាសម្ដែងស្រីចិន Zhao Liying នៅតែស្ថិតក្នុងជួរតារាលំដាប់ A ដដែល ដោយមានអ្នកដឹកនាំរឿងជាច្រើនបានផ្ញើសាច់រឿងឲ្យនាងពិចារណា តែអ្នកម្ដាយកូន១មិនទាន់ទទួល ហើយទទួលតែថតស្ប៉តពាណិជ្ជកម្មធំៗប៉ុណ្ណោះ។
យោងតាមកម្រងរូបភាពរបស់ក្រុមអ្នកប្រមាញ់រូប ក្រោយពេលសម្រាលកូនរួច តែមិនទាន់ត្រលប់ចូលសិល្បៈ ស្រីស្អាតកើតឆ្នាំ១៩៨៧ បានឡើងទំងន់ខ្លាំង ឡើងទ្រលុកទ្រលន់។ យ៉ាងណាក្ដី ក្នុងរយៈពេលដែលតារាអាយុ៣២ឆ្នាំ បានយករាងដូចដើមរបស់ខ្លួនវិញយ៉ាងលឿន នៅពេលបង្ហាញខ្លួនជាសាធារណៈលើកដំបូងក្រោយកើតកូន។ មូលហេតុនោះគឺនាង បានសម្រកអស់១០គីឡូ។
នៅក្នុងបទសម្ភាសន៍ជាមួយអ្នកកាសែតក្នុងកម្មវិធីដែលនាងបង្ហាញមុខលើកដំបូងក្រោយកើតកូននោះ ប្រពន្ធរបស់ប្រុសស្អាត Feng Shao Feng បានឲ្យដឹងថា ដើម្បីសម្រកបាន១០គីឡូ ក្រៅពីព្យាយាមហាត់ប្រាណ របបអាហារក៏សំខាន់ខ្លាំងណាស់ដែរដើម្បីយកបានរាងមុនកើតកូនវិញ។ ដោយនៅក្នុង តួរឿង និស្ស័យស្នេហ៍ដាវទេព តែងទទួលទានអាហារដូចជា ដំឡូងបារាំង សាច់មាន់មិនយកស្បែក តៅហ៊ូ សាច់ត្រី ត្រសក់ និងចុងបញ្ចប់នោះគឺផឹកកាហ្វេខ្មៅ។ ស្រីស្រស់រូបនេះបានឲ្យដឹងថា កាហ្វេខ្មៅជួយឲ្យនាងមិនឃ្លាន ហើយញ៉ាំតិចជាងមុន៕
ចុចអាន៖ Fan Bingbing បង្ហាញខ្លួននៅអាមេរិក បំបាត់ព័ត៌មានត្រូវហាមឃាត់មិនឲ្យចេញក្រៅប្រទេស