នេះតម្លៃទូរសព្ទកូនកាត់កាមេរ៉ា ៤៨MP របស់ OPPO ចេញលក់ជាផ្លូវការ

2019-10-18 03:26:56
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុនទូរសព្ទដៃ OPPO ប្រចាំប្រទេសកម្ពុជា បានសម្ពោធជាផ្លូវការនូវផលិតផលថ្មីរបស់ខ្លួន គឺ OPPO Reno 2 និង Reno 2F ដែលជាកំពូលស្មាតហ្វូនស៊េរីថ្មីទាំងពីរម៉ូដែលព្រមគ្នាកាលពីល្ងាចថ្ងៃទី ១៧ តុលា នៅសណ្ឋាគារ Garden City ជិតវិមានឈ្នះៗ។

ការទម្លាយនូវអាថ៌កំបាំងឲ្យអ្នកគាំទ្រដឹងនូវរូបរាងពិតសមត្ថភាពពិត និង តម្លៃពិត របស់កំពូលស្មាតហ្វូនស៊េរីថ្មីចំនួនពីរម៉ូឌែលព្រមៗគ្នាតែម្តងដោយមានការចូលរួមពីសំណាក់ ថ្នាក់ដឹកនាំ ក្រុមការងារ បុគ្គលិកគ្រប់ជាន់ថ្នាក់ តារាកិត្តិយស ឯកអគ្គរាជទូតសុច្ឆន្ទៈ (Brand Ambassador) ម្ចាស់ហាង អ្នកសារព័ត៌មានជាតិ និងអន្តរជាតិ រួមជាមួយដៃគូរសហការរបស់ក្រុមហ៊ុន OPPO មកពីគ្រប់ខេត្តក្រុងសរុបជាង ១០០០នាក់។

អ្វីដែលគ្រប់គ្នាដែលធ្វើឲ្យអ្នកចូលរួមមានការភ្ញាក់ផ្អើលអំពីវត្តមានរបស់កំពូលស្មាតហ្វូនស៊េរីថ្មី OPPO Reno 2 និង Reno 2F ដែលបានឆ្លុះបញ្ចាំងនូវភាពជោគជ័យ និងការវិវត្តន៍ផ្នែកបច្ចេកវិទ្យា ថ្មីៗទំនើបៗរបស់ខ្លួន ប្រកបដោយគុណភាពខ្ពស់។

ទស្សនាវីដេអូការប្រកាសចេញជាផ្លូវការរបស់កំពូលស្មាតហ្វូនស៊េរីថ្មី OPPO Reno 2 និង Reno 2F៖

តាមរយះការធ្វើបទបង្ហាញនៅក្នុងកម្មវិធីនេះបានឲ្យដឹងថា OPPO Reno2 មានតម្លៃត្រឹមតែ ៥៩៩ ដុល្លារ ជាស្មាតហ្វូនថ្នាក់ខ្ពស់ តំណាងឲ្យការតស៊ូនិងច្នៃប្រឌិតខ្ពស់ កើតចេញពីកំណែទម្រង់នៃ Reno ស៊េរីមុន ដោយបំពាក់មកនូវការរចនាទាន់សម័យ ជាមួយនឹងផ្ទៃរាបស្មើមានអេក្រង់ AMOLED លាតពេញទំហំ ៦.៥ អ៊ិញ បំពាក់បច្ចេកវិទ្យាការពារភ្នែកដែលទទួលស្គាល់កម្រិតសុវត្ថិភាពពី TÜV Rheinland ដែលធ្វើឲ្យអ្នកប្រើប្រាស់អស់កង្វល់ជាមួយនឹងបញ្ហាភ្នែក ទោះស្ថិតក្នុងលក្ខខណ្ឌពន្លឺតិចក្តី មានកាមេរ៉ាមុខបង្កប់ខ្លួនបែបបញ្ឆិត ថតរូបស្អាត ធន់ក្នុងការប្រើប្រាស់ជាមួយនឹងបច្ចេកវិទ្យាកាមេរ៉ាលិបចូលស្វ័យប្រវត្តិនៅពេលបាត់បង់លំនឹង។

លើសពីនេះទៀត ផ្នែកខាងក្រោយរបស់ស្មាតហ្វូនថ្មីនោះ នឹងត្រូវបានរចនាដោយកញ្ចក់ស្វិត CGG5(Corning Gorilla Glass កម្រិត ៥) មានភាពស៊ីមេទ្រីរវាង Logo, កាមេរ៉ានិង O-Dot ការពារភាពសឹកឡេនកាមេរ៉ា ដោយសេរ៉ាមិច ងាយស្រួលចាប់កាន់ប្រើ។ OPPO Reno 2 មានកាមេរ៉ាក្រោយ ៤ គ្រាប់ កាមេរ៉ាមេ ៤៨MP ភ្ជាប់បច្ចេកវិទ្យាទប់លំនឹងមួយគូ (OIS + EIS) អាចថតវីដេអូរំញ័រស្ទើរស្មើ “០” ថតរូបច្បាស់ល្អស្អាតនៅពេលយប់ឬទីងងឹត។

កាមេរ៉ាទី ២ ទំហំ 8MP ថតរូបជិតបែបម៉ាក្រូ និង ថតរូបបែបទូលាយបានច្បាស់ល្អមិនចាំបាច់ដើរថយក្រោយ។ ចំណែកកាមេរ៉ាទី ៣ ទំហំ ១៣MP ថតរូបឆ្ងាយបានច្បាស់ស្អាតល្អជាមួយនឹងកម្រិត 5x Hybrid Zoom | 20x Digital Zoom និងកាមេរ៉ាទី4 ថតរូបបែបសខ្មៅទំហំ ២MP។ ជាពិសេសវាភ្ជាប់មកជាមួយនឹងមុខងារថតវីដេអូព្រាលនៅផ្ទៃខាងក្រោយ ទាំងកាមេរ៉ាមុខក្រោយ (Video Bokeh) និងកម្មវិធី Video Edit ដំបូងគេបង្អស់។ OPPO Reno 2 មានថាមពលថ្មទំហំ ៤០០០ មីលីអំពែម៉ោង (mAh) កំដរអ្នកលេងហ្គេមដាច់យប់ ទស្សនាខ្សែភាពយន្តម៉ាសប្បាយដៃ មិនភ័យរឿងបញ្ហាអស់ថ្មជាមួយនឹងបច្ចេកវិទ្យាសាកថ្មលឿន VOOC 3.0 (USB Type-C)។

ចំណែក OPPO Reno 2F មានតម្លៃ ៣៦៩ ដុល្លារ មានការរចនារលើបរលោងជាមួយនឹងការបំពាក់កាមេរ៉ាក្រោយ ៤ មានផ្ទៃម៉ាស៊ីនរាបស្មើមិនងាយសឹកឡេន និងថាមពលថ្មស្រដៀងគ្នានឹងស្មាតហ្វូន OPPO Reno 2 ដែរនោះតែវាអាចមានតម្លៃទ្វេគុណ ឬយ៉ាងណា? ស្របពេលដែលវាមានកាមេរ៉ាមេទំហំ ៤៨MP ភ្ជាប់ជាមួយនឹងបច្ចេកវិទ្យា Ultra Night Mode 2.0 អាចថតរូបច្បាស់គ្រប់ពេលវេលា។

កាមេរ៉ាទី ២ មានទំហំ 8MP ថតបានមុំធំទូលាយ (Wide-angle) ដល់ 1190 ថតរូបមនុស្សទូទៅ ឃើញរាងខ្ពស់ស្លីមស្អាត ថតរូបភាពជួបជុំគ្រួសារ រឺការជួបជុំគ្នានៅតុអាហារ ដោយពុំចាំបាច់ឈឺក្បាលត្រូវដើរថយក្រោយ ជាពិសេសបំពាក់នូវបច្ចេកវិទ្យា10x Digital Zoom ថែមទៀតផង។ មិនតែប៉ុណ្ណោះកាមេរ៉ាទី ៣ និងទី ៤ មានទំហំ ២MPដូចគ្នា អាចថតរូបបែបសខ្មៅ និងបែបភាពយន្ត ស្អាតគ្រប់ប្លង់។

ចំណែកឯកាមេរ៉ាមុខវិញបង្កប់ខ្លួនចំកណ្តាលមានទំហំ ១៦MP ភ្ជាប់មកជាមួយនូវបច្ចេកវិទ្យា Beauty Mode និង Panoramic Light Effect ថតរូប Selfie ស្អាតកប់សារី។ ជាពិសេស បំពាក់មកជាមួយនូវសេនស័រស្កេនក្រយ៉ៅដៃលើអេក្រង់ជំនាន់ទី ៣.០ កាន់តែសុវត្ថិភាពខ្ពស់ជាងមុនជាមួយនឹង Hardware និងកម្មវិធី AI ដែលអាចវិភាគនិងសម្គាល់ស្នាមម្រាមដៃ កាន់តែលឿន ថែមទាំងអាចដោះសោរក្នុងរយៈពេលត្រឹមតែ ០.៣ វិនាទីប៉ុណ្ណោះ៕