ការផ្លាស់ប្តូរស្លាកសញ្ញាថ្មីរបស់ មិត្តហ្វូនទទួលបានពានរង្វាន់ "យុទ្ធនាការផ្សព្វផ្សាយទីផ្សារប្រចាំឆ្នាំ"
- 2019-10-22 04:32:57
- ចំនួនមតិ 0 | ចំនួនចែករំលែក 0
ការផ្លាស់ប្តូរស្លាកសញ្ញាថ្មីរបស់ មិត្តហ្វូនទទួលបានពានរង្វាន់ "យុទ្ធនាការផ្សព្វផ្សាយទីផ្សារប្រចាំឆ្នាំ"
ចន្លោះមិនឃើញ
នៅថ្ងៃទី ១៩ ខែតុលាឆ្នាំ ២០១៩ នៅទីក្រុងវីយែន ប្រទេសអូទ្រីស ក្រុមហ៊ុនមិត្តហ្វូនត្រូវបានផ្តល់កិត្តិយសចូលរួមក្នុងកម្មវិធីពានរង្វាន់អាជីវកម្មអន្តរជាតិឆ្នាំ ២០១៩ ស្តីពី “ យុទ្ធនាការទីផ្សារប្រចាំឆ្នាំ”។
បន្ទាប់ពីធ្វើអាជីវកម្មអស់រយៈពេលជាង ១០ឆ្នាំក្រុមហ៊ុនមិត្តហ្វូន បានធ្វើការផ្លាស់ប្ដូរមុខមាត់ថ្មី ដើម្បីសម្របទៅតាមអតិថិជនវ័យក្មេងក្នុងយុគសម័យឌីជីថលនៅកម្ពុជា។ ក្រុមហ៊ុនមិត្តហ្វូន ដឹងច្បាស់អំពីសារសំខាន់នៃការស្វែងរកការជំរុញ នាំស្លាកសញ្ញាមិត្តហ្វូនកាន់តែខិតជិតបេះដូងអតិថិជន ហេតុនេះក្រុមហ៊ុនមិត្តហ្វូនបានអនុវត្តយុទ្ធនាការស្តារឡើងវិញនូវស្លាកសញ្ញារបស់ខ្លួន។
បន្ទាប់ពីដំណើរការយុទ្ធនាការត្រឹមតែ ៩ខែ ចាប់តាំងពីខែឧសភា ឆ្នាំ២០១៨ ក្រុមហ៊ុន មិត្តហ្វូន ឃើញមានកំណើនអតិថិជនខ្ពស់បំផុតក្នុងអំឡុងពេលអាជីវកម្ម ១០ឆ្នាំរបស់ខ្លួន ដែលចំនួនអតិថិជនសរុបបានកើនឡើងដល់ ៩ លាននាក់ និងអាចរក្សាបាននូវកំណើនប្រាក់ចំណូលបានយ៉ាងល្អ។
តាមរយៈយុទ្ធនាការនេះដែរតម្លៃនៃស្លាកសញ្ញាក្រុមហ៊ុនមិត្តហ្វូន បានកើនឡើងគួរឲ្យកត់សម្គាល់ផងដែរ ដោយសម្រាប់ផ្នែក Top of Mind បានកើនឡើងពី ៣០% ទៅ ៤០% និងផ្នែក Share of Voice បានកើនឡើងដល់ ៣៩,២%។
ក្រុមហ៊ុនបានប្រើប្រាស់ម៉ាស្កត់ "មុន្នី" ក្នុងសកម្មភាពទីផ្សារ (ជាភាសាខ្មែរ "មុន្នី" មានន័យថាជាមនុស្សដែល ឆ្លាត រួសរាយរាក់ទាក់ និងស្តាប់នូវអ្វីៗគ្រប់យ៉ាង) ផ្លាស់ប្តូរស្លាកសញ្ញាពីរូបភាពពណ៌ខៀវទៅក្រហម ជាមួយនឹងការផ្ដល់ជូនកញ្ចប់សេវាកម្មដែលសមស្របទៅនឹងតម្រូវការរបស់យុវវ័យ គឺជាកត្តាជំរុញឲ្យមិត្តហ្វូនទទួលបានជោគជ័យយ៉ាងត្រចះត្រចង់។
កម្មវិធីពានរង្វាន់អាជីវកម្មអន្តរជាតិ (Stevie Award) គឺជាកម្មវិធីពានរង្វាន់មួយក្នុងចំណោមកម្មវិធីពានរង្វាន់កំពូលៗ នៅលើពិភពលោកដែលត្រូវបានបង្កើតឡើងក្នុងឆ្នាំ ២០០២ ដើម្បីផ្តល់ជូនជាកិត្តិយសនូវរាល់សមិទ្ធិផល និងការរួមចំណែកវិជ្ជមានរបស់អាជីវកម្មនិងបុគ្គល ដើម្បីប្រយោជន៍ជាសាកលរបស់សហគមន៍រួមទាំងព័ត៌មានវិទ្យា និងទូរគមនាគមន៍។
វាគឺជាកម្មវិធីពានរង្វាន់ដ៏មានកិត្យានុភាពដែលត្រូវបានធ្វើឡើងជារៀងរាល់ឆ្នាំ និងត្រូវបានទស្សនាវដ្តីញូវយ៉កថែមស៍ផ្សព្វផ្សាយលើប្រព័ន្ធអូស្ការសម្រាប់អាជីវកម្មអន្តរជាតិ។ ពានរង្វាន់ IBA Stevie បានទទួលការតែងតាំងជាង ៤ ពាន់នាក់មកពី ៧៤ ប្រទេសនិងអ្នកជំនាញជាង ១ ពាន់នាក់ បានចូលរួមក្នុងដំណើរការវាយតម្លៃដើម្បីជ្រើសរើសអ្នកដែលមានស្នាដៃល្អបំផុត៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
