មកស្គាល់បងប្អូន ៣គូក្នុងរឿង "សង្សារខ្ញុំមនុស្សភពផ្កាយ” ថៃ

2019-10-23 04:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

រឿងភាគលំនាំដើមកូរ៉េ "សង្សារខ្ញុំមនុស្សភពផ្កាយ” ឬ "My Love From Another Star” បានចាក់បញ្ចាំងជាច្រើនសប្ដាហ៍មកហើយ។ បើទោះ Rating ទាប ប៉ុន្តែអ្នកគាំទ្រដែលបានទស្សនារឿងនេះ បានលាន់មាត់ថា បច្ចេកទេសថតពិតជាល្អ ហើយតួសម្ដែងក៏មិនចាញ់តួដើមក្នុងរឿងដើមកូរ៉េដែរ។

ក្នុងចំណោមទាំងអស់ សូមបង្ហាញតួបងប្អូន ៣គូនៅក្នុងរឿង ដែលកំពុងទាក់ទាញចំណាប់អារម្មណ៍អ្នកមើល និងបង្កទស្សនីយភាពកាន់តែល្អមើលដល់អ្នកមើលបណ្ដើរៗហើយ។

១. បងប្អូន Farada និង Sky

ជាបងប្អូនដែលមិនសូវត្រូវគ្នា ប៉ុន្តែក៏ស្រឡាញ់ និងបារម្ភពីគ្នាខ្លាំង។ Fa ដែលជាបងស្រីខំធ្វើការយកលុយផ្គត់ផ្គង់ប្អូន ឯប្អូនវិញត្បិតមិនដែលសំដីល្អជាមួយបងស្រី ប៉ុន្តែគេការពារ និងព្រួយបារម្ភពីបងរហូត។ តួបងប្អូន១គូនេះសម្ដែងដោយ Matt Peeranee និង Got Itthipat។

២. បងប្អូន Mek និង Mok

២នាក់បងប្អូននេះវិញ មានចរិតខុសគ្នាឆ្ងាយ។ បងប្រុសដែលសម្ដែងដោយ Deaw Soriyon គឺជាមនុស្សល្អតែពីមុខ ឯក្នុងចិត្តពិសពុល ហ៊ានសម្លាប់មនុស្សឥតប្រណីដៃ ទោះបីអ្នកនោះធ្លាប់ធ្វើល្អដាក់ក៏ដោយ។ ចំណែកប្អូនប្រុសដែលសម្ដែងដោយ Masu Junyangdikul វិញមានចរិតខិលពីកំណើតបន្តិច ប៉ុន្តែទឹកចិត្តគេល្អជាងបងប្រុសដាច់។ មានរឿងអ្វីក៏ដោយ គេតែងជួយយកអាសារអ្នកដទៃ និងស្មោះត្រង់បំផុត។

៣. បងប្អូន Athit និង Praw Rung

ចូលដល់បងប្អូនស្រស់សង្ហា ១គូនេះវិញ បងប្រុសសម្ដែងដោយ Nat Thewphaingam ឯប្អូនស្រីសម្ដែងដោយ Eye Kamolned។ ពួកគេស្រឡាញ់គ្នាណាស់ ទាំងបងទាំងប្អូនសុទ្ធតែមាន អ្នកលួចស្រឡាញ់ច្រើន បងប្រុសជាប៉ូលីសស៊ើបក្ដីមុខពេញដោយមន្តស្នេហ៍ ឯប្អូនស្រីជាតារាសម្ដែងដ៏ល្បីដែលកម្លោះៗប៉ងក្លាយជាគូស្នេហ៍៕