SONY ចេញលក់ Xperia 1 ស៊េរីពិសេស តម្លៃលើស ១ពាន់ដុល្លារ

2019-10-24 03:25:58
ចំនួនមតិ 0 | ចំនួនចែករំលែក 0

ចន្លោះមិនឃើញ

Sony Xperia 1 បានចេញលក់តាំងពីខែមិថុនា ប៉ុន្តែ Sony បានសម្រេចធ្វើការកែសម្រួលស្មាតហ្វូននេះជាមួយប្រភេទថ្មីដែលក្រុមហ៊ុនដាក់ឈ្មោះឲ្យថា Xperia 1 Professional Edition។ វាមានការកែសម្រួលលើអេក្រង់ កាមេរ៉ា និងបន្ថែមការភ្ជាប់ LAN តាមរយៈរន្ធ USB Type-C។

ចាប់ផ្ដើមពីអេក្រង់មុន គឺនៅតែជាអេក្រង់ OLED 4K មានមាត្រដ្ឋាន 21:9 ប៉ុន្តែពេលនេះវាអាចទ្រាំទ្រនឹង 10-bit signal និងអេក្រង់មានក្រិតខ្នាតប្រសើរជាងមុន ផ្អែកតាមទូរទស្សន៍ស៊េរី Master របស់ក្រុមហ៊ុន។

ចំណែកកាមេរ៉ាវិញ Sony បាននាំមកនូវកម្មវិធី Imaging Edge Mobile ដែលអាចធ្វើការផ្ទេររូបភាព/វីដេអូ ពីកាមេរ៉ា Sony ទៅទូរសព្ទបានដោយមិនប្រើខ្សែ។ មិនតែប៉ុណ្ណោះក៏មានបន្ថែមនូវមុខងារ Transfer & Tagging ដែលអាចឲ្យអ្នកថតរូបដាក់ Tag និងសំឡេងលើរូបភាពបាន។

ការបន្ថែមថ្មីចុងក្រោយគឺបន្ថែមការគាំទ្រនឹងការតភ្ជាប់ Ethernet តាមរយៈរន្ធ USB-C ប៉ុន្តែ Sony មិនបញ្ចូលនូវ Adaptor នេះនៅក្នុងប្រអប់ឡើយ។ លក្ខណៈសម្បត្តិសំខាន់មិនមានការផ្លាស់ប្ដូរនោះទេ ដូចជា Snapdragon 855, RAM ៦GB និងអង្គផ្ទុក ១២៨GB។ ថាមពលថ្មគឺ ៣៣៣០ mAh និងប្រើប្រព័ន្ធប្រតិបត្តិការ Android 9 Pie ចេញពីប្រអប់។