អាស៊ីត្រូវរងចាំដល់១២ឆ្នាំ ទើបមានកីឡាករប្រជែងយកពាន Ballon d'Or នោះគឺ Son
- 2019-10-24 08:13:58
- ចំនួនមតិ 0 | ចំនួនចែករំលែក 0
អាស៊ីត្រូវរងចាំដល់១២ឆ្នាំ ទើបមានកីឡាករប្រជែងយកពាន Ballon d'Or នោះគឺ Son
ចន្លោះមិនឃើញ
ខ្សែប្រយុទ្ធរបស់ក្រុម Spurs និង ជម្រើស ជាតិកូរ៉េខាងត្បូង Son Heung-min បានក្លាយជាកីឡាករអាស៊ីទីមួយជាប់ឈ្មោះជាបេក្ខភាពដណ្ដើមពាន Ballon d'Or ក្នុងរយៈពេល១២ឆ្នាំចុងក្រោយ។
Son ត្រូវបានជាប់ក្នុងបញ្ជីឈ្មោះបេក្ខភាព៣០នាក់ ដែលប្រកាសដោយទស្សនាវដ្ដីបារាំង France Football ដើម្បីដណ្ដើមពាន Ballon d’Or 2019។ វាបានធ្វើឲ្យគេក្លាយជាកីឡាករអាស៊ីទី៤និងដំបូងក្នុងរយៈពេល១២ឆ្នាំដែលជាប់ក្នុងបញ្ជីឈ្មោះ៣០នាក់។
កីឡាករវ័យ២៧ឆ្នាំបានដើរតួជាកីឡាករសំខាន់ម្នាក់សម្រាប់ក្រុមលោក Mauricio Pochettino កាលពីរដូវកាលមុន ជួយក្រុមឡើងដល់វគ្គផ្ដាច់ព្រ័ត្រ Champions League។ បង្ហាញខ្លួនឲ្យក្រុមបាន៤៣ប្រកួត រកបាន១៦គ្រាប់និងបញ្ជូនឲ្យមិត្តរួមក្រុមទាត់ចូល៧គ្រាប់។
មុន Son កីឡាករអាស៊ីដំបូងដែលជាប់បេក្ខភាពនៃពានខាងលើគឺ Hidetoshi Nakata ជម្រើសជាតិជប៉ុនឆ្នាំ១៩៩៨និង១៩៩។ បន្ទាប់មកគឺ Park Ji-Sung នៅឆ្នាំ២០០៥ និងកីឡាករអ៊ីរ៉ាក់ Younis Mahmoud ឆ្នាំ២០០៧៕