Smalling ឈឺចិត្តស្ទើរប្រេះ បាល់បុកចំមុខស្រាប់តែអាជ្ញាកណ្ដាលឲ្យបាល់ប៉េណាល់ទី
- 2019-10-25 02:16:03
- ចំនួនមតិ 0 | ចំនួនចែករំលែក 0
Smalling ឈឺចិត្តស្ទើរប្រេះ បាល់បុកចំមុខស្រាប់តែអាជ្ញាកណ្ដាលឲ្យបាល់ប៉េណាល់ទី
ចន្លោះមិនឃើញ
ខ្សែការពារ Roma ដែលខ្ចីជើងពីបិសាចក្រហម Chris Smalling បានសម្ដែងការមិនពេញចិត្ត បន្ទាប់ពីអាជ្ញាកណ្ដាលសម្រេចផ្ដល់បាល់ប៉េណាល់ទីទៅឲ្យក្រុម Monchengladbach ពេលដែលបាល់ប៉ះមុខរបស់គេ។
រឿងរ៉ាវនេះកើតឡើងអំឡុងពេលកាលប្រកួតរវាង Roma ទល់នឹង Monchengladbach ពានរង្វាន់ Europa League។ ម្ចាស់ផ្ទះ Roma បាននាំមុខមុននាទី៣២ ដែលជាការទាត់បញ្ចូលទីរបស់កីឡាករ Nicolo Zaniolo។ ប៉ុន្តែនាទី៩៣ទៅហើយកីឡាករ Nico Elvedi របស់ Monchengladbach បានព្យាយាមតែតសំដៅទី តែបែរជាចំមុខរបស់ Smalling ទៅវិញ។
ខណៈនោះដោយសារតែបាល់លឿនពេកអាជ្ញាកណ្ដាលមើលឃើញស្មានតែប៉ះដៃ ក៏សម្រេចផ្ដល់បាល់ប៉េណាល់ទីតែម្ដង ស្របពេល Europa League មិនបានប្រើប្រព័ន្ធ VAR ទេ។ កីឡាករ Lars Stindi ជាអ្នកធ្វើបានសម្រេចជួយ Monchengladbach តាមស្មើ ១-១។
ក្រោយបញ្ចប់ការប្រកួត Chris Smalling បានបង្ហាញការមិនពេញចិត្តថា៖ "ខកចិត្តណាស់ដែលមានការសម្រេចបែបនេះលើពួកយើង។ ពួកយើងគួរតែបាន៣ពិន្ទុ ពិតជាខកចិត្តណាស់"៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
