ចាប់កាន់ដល់ដៃ OPPO Reno 2F អ្នកប្រើសរសើរថាម៉េចខ្លះ? (មានវីដេអូ)
- 2019-10-28 09:05:05
- ចំនួនមតិ 0 | ចំនួនចែករំលែក 0
ចាប់កាន់ដល់ដៃ OPPO Reno 2F អ្នកប្រើសរសើរថាម៉េចខ្លះ? (មានវីដេអូ)
ចន្លោះមិនឃើញ
អតិថិជនដែលបានធ្វើការកក់ទុកមុន (PreOrder) លើ OPPO Reno 2F បានបង្ហាញអារម្មណ៍ពិត បន្ទាប់ពីទទួលបានស្មាតហ្វូនប្រើប្រាស់កាលពីថ្ងៃទី ២៥ តុលា ២០១៩។
ឥឡូវនេះដែរអតិថិជនក៏អាចកាន់លុយទៅទិញស្មាតហ្វូនស៊េរីថ្មី OPPO Reno 2F តម្លៃត្រឹមតែ ៣៦៩ ដុល្លារ នឹងទទួលកញ្ចប់កាដូ បាស Bluetooth កែវទឹកចិញ្ចៀនទម្រទូរស័ព្ទ និង ស៊ីមស្មាតលេខធម្មតា ភ្ជាប់ជាមួយគម្រោង Smart ធំហ្ម៎ងរយៈពេល ២៤សប្តាហ៍ នៅគ្រប់បណ្តាហាងលក់ទូរស័ព្ទនានាទូទាំងប្រទេសកម្ពុជាយើង។
ខាងក្រោមនេះជាចំណាប់អារម្មណ៍របស់អតិថិជនដែលបានទិញ OPPO Reno 2F មុនគេ៖
OPPO Reno 2F គឺជាស្មាតហ្វូនកូនកាត់ខ្លាំងពីកំណើតតែម្តង ដោយសារ ក្រុមហ៊ុន OPPO បន្ថែមនូវការរចនាលើតួខ្លួនរបស់រាមច្បង (OPPO F11 Pro ដែលលក់ដាច់ខ្លាំងនិងពេញនិយមកាលពីដើមឆ្នាំ2019 ឲ្យមើលទៅកាន់តែរលើបរលោងប៉ុន្តែងាយស្រួលចាប់កាន់ ដោយកញ្ចក់ CGG5 ស្វិតរឹងមុំា ធន់មិនងាយប្រេះបែក និង អមមកនូវការឌីហ្សាញ Logo ដែលស៊ីមីទ្រីគ្នាចំកណ្តាល និង Upgrade ជាអក្សរ “Designed for Reno” ដូចគ្នានឹង OPPO Reno ជំនាន់ថ្មីនេះតែម្តង (OPPO Reno 2)។
OPPO Reno 2F មិនត្រឹមតែមាន រូបរាង និងការរចនាស្រស់ស្អាតបែបទាក់ទាញប៉ុណ្ណោះទេ ថែមទាំងបំពាក់មកនូវ កាមេរ៉ាក្រោយ4គ្រាប់ ច្រើនជាង OPPO F11 Pro ពីរដង (F11 Pro មានកាមេរ៉ាភ្លោះក្រោយ 48MP+5MP) មានផ្ទៃម៉ាស៊ីនរាបស្មើ អមដោយ O-Dot ផលិតពីសេរ៉ាមិចសម្រាប់ ការពារមិនឲ្យងាយខូចរឺសឹកឡេនកាមេរ៉ា។ កាមេរ៉ាមេរបស់វា មានទំហំ 48MP ភ្ជាប់ជាមួយនឹងបច្ចេកវិទ្យា Ultra Night Mode 2.0 អាចថតរូបច្បាស់គ្រប់ពេលវេលា។
កាមេរ៉ាទី2 មានទំហំ 8MP ថតបានមុំធំទូលាយ ដល់1190 ថតរូបមនុស្សធម្មតា ឃើញខ្ពស់រាងស្លីមស្អាត ថតរូបជួបជុំមិត្តភក្តិក្រុមគ្រួសារ រឺទេសភាព ដោយពុំចាំបាច់ ដើរថយក្រោយ។ កាមេរ៉ាទី3 និងទី4 មានទំហំ 2MPដូចគ្នា អាចថតរូបស្ទីល សខ្មៅ និង ស្ទីលភាពយន្ត ស្អាតគ្រប់ប្លង់។
ចំណែកឯទីតាំងកាមេរ៉ាមុខវិញ OPPO នៅតែរក្សាស្ទីលបង្កប់ខ្លួនចំកណ្តាលមានទំហំ 16MP ភ្ជាប់មកជាមួយនូវបច្ចេកវិទ្យា Beauty Mode ដដែល (ដូច F11 Pro) ប៉ុន្តែក្រុមហ៊ុនបានបន្ថែមនូវបច្ចេកវិទ្យាថ្មីទំនើបមួយទៀតគឺ ភ្លើងជំនួយ Atmosphere Light សម្រាប់ថតរូប Selfie ស្អាតកប់សារី។ OPPO Reno 2F មានអេក្រង់លាតពេញទំហំ 6.5” ប្រភេទ AMOLED (ដូចគ្នានឹងស្មាតហ្វូនស៊េរីថ្មី OPPO Reno 2) គុណភាពល្អជាង OPPO F11 Pro ហើយនិងបំពាក់បច្ចេកវិទ្យា Sensor ស្កេនក្រយ៉ៅដៃលើអេក្រង់ជំនាន់ទី 3.0 កាន់តែសុវត្ថិភាពខ្ពស់ជាងមុនជាមួយនឹង Hardware និង កម្មវិធី AI ដែលអាចវិភាគនិងសម្គាល់ស្នាមម្រាមដៃ កាន់តែលឿន និង ដោះសោរក្នុងរយៈពេលត្រឹមតែ 0.3 វិនាទីប៉ុណ្ណោះ។
ស្មាតហ្វូនកូនកាត់រូបនេះ ប្រតិបត្តិការដោយ ColorOS6.1(Android 9.0)CPU MTK P70+Hyper Boost 2.0 និងមានកម្លាំងថាមពលថ្មទំហំធំរហូតដល់ទៅ ៤០០០mAh អាចមើល វីដេអូបាន ១៣ម៉ោង ស្តាប់តន្ត្រីបាន ៣១ម៉ោង និង លេងហ្គេមបាន ៨ម៉ោង គ្មានការរអាក់រអួល ដោយសារបច្ចេកវិទ្យា Game Boost 2.0។ OPPO Reno 2F មាន RAM ទំហំ 8GB ធំជាង OPPO F11 Pro ប៉ុន្តែរក្សានូវ អង្គផ្ទុកទិន្នន័យ ធំដដែលគឺ ROM 128GB អាចផ្ទុកភាពយន្តបានចំនួន ២១០ (600MB/រឿង) និង ៤២០០០ រូបភាព (3MB/សន្លឹក)។
បើចង់ជាក់ច្បាស់សូមចុចនៅត្រង់នេះ៖
សូមរំលឹកថាស្មាតហ្វូនកូនកាត់ OPPO Reno 2F រូបនេះ ត្រូវបានដាក់លក់លើទីផ្សារកម្ពុជាជាផ្លូវការ ព្រមគ្នាជាមួយនឹង ស្មាតហ្វូនរៀមច្បងគឺ OPPO Reno 2 ក្នុងគំលាតតម្លៃខ្ទង់ ២៣០ ដុល្លារ (OPPO Reno 2 តម្លៃ ៥៩៩ ដុល្លារ ជាមួយនឹងកញ្ចប់កាដូ បាស Bluetooth ធំដ៏ស្រស់ស្អាត ស៊ីមស្មាតលេខធម្មតា ភ្ជាប់ជាមួយគម្រោង Smart ធំហ្ម៎ងរយៈពេល ២៤សប្តាហ៍) កាលពីថ្ងៃទី ២៥ តុលា ២០១៩។ អាស្រ័យហេតុនេះ លោកអ្នកអាចសម្រេចចិត្តមួយដ៏ត្រឹមត្រូវក្នុងការជ្រើសយក ស្មាតហ្វូនកូនកាត់ OPPO Reno 2F រឺក៏ OPPO Reno 2 តាមការគួរ និង ធនធានផ្ទាល់ខ្លួន៕