ភ្នាក់ងារកីឡាករម្នាក់ បង្ហាញកីឡាករល្អៗ៨រូប មកពីព័រទុយហ្គាល់ កូឡុំប៊ី និងប្រេស៊ីល

2019-10-30 03:51:14
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Eselemo Fred ភ្នាក់ងារទីផ្សារកីឡាករបរទេសនៅកម្ពុជា បានបង្ហាញឈ្មោះកីឡាករចំណូលថ្មី៨រូបមកពី៣ប្រទេសផ្សេងគ្នាមាន ព័រទុយហ្គាល់ ប្រេស៊ីលនិងកូឡ៊ុំប៊ី សម្រាប់ក្លឹបទាំងអស់នៅកម្ពុជាទិញយក។

លោក Eselemo Fred គឺជាអ្នកដឹកនាំក្រុមបាល់ទាត់ African All Stars នៅកម្ពុជា ហើយក៏ជាអ្នកនាំកីឡាករបរទេសចូលមក ដើម្បីឱ្យក្លឹបក្នុងលីគមើលនិងចុះកុងត្រាផងដែរ។ សម្រាប់រដូវកាលថ្មីខាងមុខនេះ ក្រៅពីកីឡាករមកពីនីហ្សេរីយ៉ា លោកក៏បានបង្ហាញមុខកីឡាករមកពី៣ប្រទេសផ្សេងទៀតដែរ រួមមានព័រទុយហ្គាល់ ប្រេស៊ីល និងកូឡុំប៊ី ។ កីឡាករចំណូលថ្មីខាងលើទាំងអស់នេះ នឹងមានវត្តមានលេងពានរង្វាន់ KMH Super Cup នៅល្ងាចនេះ ដើម្បីបង្ហាញសមត្ថភាព ក្នុងនាមជាក្រុម African All Stars ។

សូមរំលឹកថាក្រុម African All Star នេះ ពិតជាក្រុមខ្លាំងមួយ ដោយកន្លងមក ក្រុមជម្រើសជាតិកម្ពុជាក៏តែងតែណាត់ពួកគេដើម្បីសាកល្បងសមត្ថភាពដែរ។ ជាលទ្ធផល ជម្រើសជាតិកម្ពុជា ពិតជាពិបាកក្នុងការយកឈ្នះក្រុមមួយនេះណាស់ ត្បិតអីកីឡាកររបស់ពួកគេមានកាយសម្បទាល្អ និងមានទេពកោសល្យ។

លោក Fred បានបញ្ជាក់ដែរថាសម្រាប់រដូវកាលថ្មីខាងមុខ ប្រសិនបើមានក្លឹបណាត្រូវការកីឡាករបរទេស អាចទាក់ទងលោកបាន ព្រោះបច្ចុប្បន្ននេះលោកមានកីឡាករច្រើនដែលសុទ្ធសឹងតែល្អៗ អាចជួយក្រុមក្នុងលីគបាន៕

អត្ថបទ៖ ប្រុស យុទ្ធ