យប់នេះអត់មើលម៉េចបាន បើវ៉ៃម្ដង៤គូហើយពិន្ទុកំពុងប្រកិតគ្នាយ៉ាងនេះ

2019-11-01 04:37:23
ចំនួនមតិ 0 | ចំនួនចែករំលែក 0

ចន្លោះមិនឃើញ

ជើងខ្លាំងគុនខ្មែរ៤រូបដែលកំពុងលេងខ្សែក្រវាត់គូបូតា ទម្ងន់៦០គីឡូក្រាម ប៊ុន សុធា ឯម សុធី សុខ ធី និង អ៊ូច ធារិទ្ធ នឹងត្រូវឡើងប្រកួតក្នុងយប់នេះទាំងអស់គ្នាលើសង្វៀនបាយ័ន នាការប្រកួតជុំទី៣វគ្គសន្សំពិន្ទុក្នុងពូល។

អ្នកតាមដានគុនខ្មែរកំពុងចាប់អារម្មណ៍ចំពោះបេក្ខភាពខ្មែរទាំង៤នាក់ខាងលើដែលត្រូវកំពុងប្រកួតវគ្គសន្សំពិន្ទុក្នុងពូល ខណៈពិន្ទុរបស់កីឡាករ៣រូប រួមមាន ប៊ុន សុធា ឯម សុធី និង សុខ សុធី សុទ្ធតែមាន៦ពិន្ទុស្មើគ្នាថែមទៀតផង ខុសត្រង់ខ្លះឈ្នះសន្លប់ ឈ្នះពិន្ទុ និងឈ្នះដោយស្វ័យប្រវត្តិ។

កម្មវិធីប្រកួតល្ងាចនេះ

សម្រាប់ការប្រកួតល្ងាចនេះជាការប្រកួតសំខាន់ចំពោះពួកគេទាំង៣នាក់ ព្រោះម្នាក់ៗត្រូវការឈ្នះ ហើយត្រូវធ្វើឲ្យបានល្អបំផុតទៀតផងដើម្បីឆក់បានភាគរយកាន់តែខ្ពស់បានឡើងទៅវគ្គបន្ទាប់ពាក់កណ្ដាលផ្ដាច់ព្រ័ត្រ។

ការប្រកួតជុំទី៣ វគ្គសន្សំពិន្ទុក្នុងពូលខ្សែក្រវាត់គូបូតា ទម្ងន់៦០គីឡូក្រាមរបស់សង្វៀនបាយ័ននេះនឹងធ្វើឡើងចាប់ពីម៉ោង ៧យប់តទៅ។ ឯម សុធី ប៉ះ Krokpetch ប៊ុន សុធា ប៉ះ Tripetch អ៊ូច ធារិទ្ធ ប៉ះ Dee Sor. Plernjit ខណៈ សុខ ធី ប៉ះ Phobrak Rithjingjodeng៕

អត្ថបទ៖ នួន ស៊ីណា