មិនចាញ់ស្រុកគេ! ការប្រកួតនិយាយអង់គ្លេសកម្រិតកុមារនេះ អាចជួយបង្កើនភាពក្លាហានគេតាំងពីវ័យក្មេង

2019-11-04 03:02:37
ចំនួនមតិ 0 | ចំនួនចែករំលែក 0

ចន្លោះមិនឃើញ

“កម្មវិធីប្រកួតជើងឯកនិយាយភាសាអង់គ្លេស SpringBoard Cambridge YLE កម្រិតកុមារ ២០១៩” គឺជាកម្មវិធីប្រកួតកម្រិតកុមារលើកទី១ រៀបចំឡើងដោយ SpringBoard4Society ដែលជាផ្នែកមួយនៃ SpringBoard4Education សហការជាមួយនឹងកម្មវិធីប្រឡងភាសាអង់គ្លេស Cambridge Assessment English។

គោលបំណងនៃកម្មវិធីនេះ គឺដើម្បីលើកកម្ពស់ជំនាញនិយាយភាសាអង់គ្លេសរបស់អ្នកសិក្សាវ័យក្មេង ជំរុញពួកគេឱ្យមានភាពក្លាហានហ៊ានបង្ហាញពីទេពកោសល្យខ្លួន, បង្កើនទំនុកចិត្តរបស់ពួកគេទៅលើសិល្បៈការនិយាយជាសាធារណៈ និងត្រៀមខ្លួនដើម្បីចូលរួមការប្រកួតផ្សេងៗក្នុងឆាកអន្តរជាតិនាថ្ងៃខាងមុខ។

សិស្សានុសិស្សវ័យចាប់ពី ៦ ដល់ ១២ឆ្នាំ ដែលចូលរួមក្នុងកម្មវិធី “កម្មវិធីប្រកួតជើងឯកនិយាយភាសាអង់គ្លេស SpringBoard Cambridge YLE កម្រិតកុមារឆ្នាំ២០១៩” ទទួលបាននូវអត្ថប្រយោជន៍ជាច្រើនដូចជា៖

បង្កើនជំនាញនិយាយភាសាអង់គ្លេស
បង្កើនសមត្ថភាពក្នុងការបង្ហាញចំណេះដឹង
កសាងទំនុកចិត្តលើខ្លួនឯងឱ្យកាន់តែប្រសើរក្នុងការនិយាយជាសាធារណៈ
អភិវឌ្ឍជំនាញទន់ក្នុងការត្រិះរិះពិចារណា -ទទួលបានបទពិសោធន៍បន្ថែមទាក់ទងនឹងការនិយាយជាសាធារណៈ
ទទួលបានការប្រឡងភាសាអង់គ្លេស Cambridge Assessment English YLE កម្រិតកុមារ។

ជ័យលាភីលេខ១ នឹងទទួលបានរង្វាន់លើកទឹកចិត្តជាដំណើរកម្សាន្តជាមួយអាណាព្យាបាលម្នាក់ទៅកាន់ប្រទេសសិង្ហបុរីចំនួន ៤ថ្ងៃ។ បេក្ខជនប្រកួតក្នុងវគ្គផ្តាច់ព្រ័ត្រទាំងអស់នឹងទទួលបានវិញ្ញាបនបត្រសម្រាប់ការឈានទៅដល់វគ្គផ្តាច់ព្រ័ត្រ ព្រមទាំងទទួលបានរង្វាន់លើកទឹកចិត្តផ្សេងៗ។

បេក្ខជនចូលរួមប្រកួតត្រូវឆ្លងកាត់ការប្រឡងជម្រុះរកជើងខ្លាំង ២ដំណាក់កាល គឺ ការប្រឡងភាសាអង់គ្លេសCambridge Assessment English YLE កម្រិតកុមារ និង ការនិយាយជាសាធារណៈវគ្គទី១ មុនឈានមកដល់ការប្រកួតវគ្គផ្តាច់ព្រ័ត្រ គឺ ការនិយាយជាសាធារណៈ ដែលបានប្រព្រឹត្តិទៅ កាលពីថ្ងៃអាទិត្យ ទី៣ ខែវិច្ឆិកា ឆ្នាំ២០១៩ នៅ Himawari Hotel Apartments ។

កម្មវិធីប្រឡងភាសាអង់គ្លេស Cambridge Assessment English

“កម្មវិធីប្រកួតជើងឯកនិយាយភាសាអង់គ្លេស SpringBoard Cambridge YLE កម្រិតកុមារឆ្នាំ២០១៩” អាចប្រព្រឹត្តឡើងបានដោយសារមានការសហការពីអ្នកឧបត្ថម្ភជាកម្មវិធីប្រឡងភាសាអង់គ្លេស Cambridge Assessment English ដែលជាកម្មវិធីប្រឡងឈានមុខគេក្នុងពិភពលោកសម្រាប់អ្នកសិក្សា និងគ្រូភាសាអង់គ្លេស។

កម្មវិធីប្រឡងភាសាអង់គ្លេស Cambridge Assessment English ជាផ្នែកមួយនៃសាកលវិទ្យាល័យ Cambridge ដែលជួយមនុស្សរាប់លាននាក់ក្នុងការសិក្សាភាសាអង់គ្លេស និងបង្ហាញសមត្ថភាពរបស់ពួកគេទៅកាន់ពិភពលោក។ លើសពីនេះទៅទៀត គុណសម្បត្តិនៃកម្មវិធីប្រឡងភាសាអង់គ្លេស Cambridge Assessment English គឺជាការប្រឡងភាសាអង់គ្លេសស៊ីជម្រៅដែលជំរុញឱ្យកម្រិតភាសាអង់គ្លេសកាន់តែមានប្រសិទ្ធភាព និងមានការរីកចម្រើនក្នុងការអប់រំទូទៅ ថ្នាក់ឧត្តមសិក្សា និងផ្នែកអាជីវកម្ម៕

ពាក្យទាក់ទង