Klopp ឆ្លើយតបទៅ Pep ដែលហៅ Mane ថាជា "កីឡាករពូកែធ្វើពុត"
- 2019-11-05 01:18:50
- ចំនួនមតិ 0 | ចំនួនចែករំលែក 0
Klopp ឆ្លើយតបទៅ Pep ដែលហៅ Mane ថាជា "កីឡាករពូកែធ្វើពុត"
ចន្លោះមិនឃើញ
Jurgen Klopp បានច្រានចោលការចោទប្រកាន់ Sadio Mane ថាជាកីឡាករ "ពូកែធ្វើពុត" បើទោះជាខ្សែប្រយុទ្ធរូបនេះទើបតែបានកាតលឿងព្រោះបន្លំភ្នែកអាជ្ញាកណ្ដាលកាលពីចុងសប្ដាហ៍ក៏ដោយ។
Mane វ័យ២៧ឆ្នាំ ត្រូវអាជ្ញាកណ្ដាលឲ្យកាតលឿងព្រមាននៅនាទី៣៧ ក្នុងការប្រកួតដែល Liverpool បានយកឈ្នះលើ Aston Villa ២-១ កាលពីថ្ងៃសៅរ៍ ហើយ Pep Guardiola គ្រូបង្វឹក Manchester City បាននិយាយថាកីឡាករសញ្ជាតិសេណេហ្គាល់រូបនេះ "ពេលខ្លះគឺដួលដោយការធ្វើពុត"។
ក្រោយមានការបោះពាក្យសម្ដីដូច្នេះ Klopp បានចេញមកការពារកូនក្រុមដោយលើកឡើងថា៖ "ខ្ញុំមិនច្បាស់១០០%ថា Pep ថាឲ្យ Sadio ឬក៏និយាយជាទូទៅនោះទេ។ អ្វីដែលខ្ញុំអាចនិយាយបានគឺ Sadio មិនបានធ្វើពុតឡើយ គឺកាលៈទេសៈនោះបានការប៉ះគ្នារវាងកីឡាករ២នាក់ គ្រាន់តែវាមិនទាន់ដល់កម្រិតដែលត្រូវពិន័យប៉េ"។
គួរបញ្ជាក់ថា Liverpool កំពុងឈរនៅកំពូលតារាង Premier League នាំមុខលេខ២ Man City ចំនួន៦ពិន្ទុខណៈក្រុមទាំងពីរនឹងប៉ះគ្នានៅ Anfield ថ្ងៃអាទិត្យនេះ៕