ក្រុមហ៊ុនអាមេរិកនឹងអាចរកស៊ីជាមួយ Huawei បានវិញឆាប់ៗ
- 2019-11-05 02:49:46
- ចំនួនមតិ 0 | ចំនួនចែករំលែក 0
ក្រុមហ៊ុនអាមេរិកនឹងអាចរកស៊ីជាមួយ Huawei បានវិញឆាប់ៗ
ចន្លោះមិនឃើញ
ចាប់តាំងពីខែឧសភាមក ពេលដែលក្រសួងពាណិជ្ជកម្មអាមេរិកដាក់ Huawei ចូលក្នុងបញ្ជីខ្មៅរបស់ខ្លួន គេតែងឮអំពីដំណោះស្រាយដែលអាចទៅរួចជុំវិញបញ្ហានេះ។ គួរដឹងថាការជាប់ឈ្មោះក្នុងបញ្ជីខ្មៅ គឺហាមឃាត់មិនឲ្យក្រុមហ៊ុនអាមេរិករកស៊ីជួញដូរ Hardware និង Software ជាមួយ Huawei ហើយជាលទ្ធផលខាតបង់ទាំងសងខាង។
នៅខែកក្កដា ក្រសួងពាណិជ្ជកម្មអាមេរិកបានប្រកាសអំពីផែនការ ដើម្បីចាប់ផ្ដើមបញ្ចេញនូវអាជ្ញាប័ណ្ណពិសេសដល់ក្រុមហ៊ុនបច្ចេកវិទ្យាក្នុងស្រុកដែលចង់បន្តការរកស៊ីជាមួយ Huawei។ អាជ្ញាប័ណ្ណនេះនឹងគ្របដណ្ដប់តែលើគ្រឿងបន្លាស់ដែលមិនបង្កការគំរាមកំហែងដល់សន្តិសុខជាតិ ហើយមានក្រុមហ៊ុនអាមេរិកជាង ១៣០ ដាក់ពាក្យសុំអាជ្ញាប័ណ្ណនេះ។
ការវិវត្តថ្មីចុងក្រោយមួយលេខាធិការនៃក្រសួងពាណិជ្ជកម្មលោក Wilbur Ross បានបញ្ជាក់ថាក្រុមហ៊ុនដែលដាក់ពាក្យសុំអាជ្ញាប័ណ្ណពេលនេះបានឡើងដល់ ២៦០ ក្រុមហ៊ុន ហើយអាជ្ញាប័ណ្ណអាចនឹងបញ្ចេញឲ្យប្រើឆាប់ៗខាងមុខនេះ។
ក្រុមហ៊ុនដែលសំខាន់ជាងគេក្នុងចំណោម ២៦០ ក្រុមហ៊ុនគឺ Google តែម្ដង។ ស្មាតហ្វូនថ្មីរបស់ Huawei ដូចជាត្រកូល Mate 30 បានជួបបញ្ហានៅក្រៅទឹកដីចិន ដោយសារខ្វះខាតសេវាកម្ម Google។ ប្រសិនបើ Huawei អាចនាំយក Google Mobile Services បានមកវិញ នោះអ្នកប្រើប្រាស់នៅក្រៅប្រទេសចិនអាចនឹងចាប់អារម្មណ៍ឡើងវិញ៕
ចុចអាន ៖ ការសាកល្បងធ្វើការ ៤ថ្ងៃ/សប្ដាហហ៍របស់ Microsoft បានលទ្ធផលល្អខ្លាំង