កុំភ្លេច ទៅគាំទ្រការប្រកួតផ្ដាច់ព្រ័ត្រ Hun Sen Cup ល្ងាចនេះ

2019-11-06 03:36:58
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រកួតពានរង្វាន់ Hun Sen Cup វគ្គផ្ដាច់ព្រ័ត្រនឹងឈានចូលមកដល់នៅម៉ោង៦ល្ងាចនេះហើយនាកីឡដ្ឋាន RSN រវាងក្រុមបឹងកេត និងព្រះខ័នរាជស្វាយរៀង។

បឹងកេត ទាមទារឈ្នះពានរង្វាន់នេះ ដើម្បីអ្នកគាំទ្ររបស់ខ្លួន ត្បិតអីពួកគេមិនអាចសម្រេចបំណងលើកពានលីគកំពូលបាន។ សម្រាប់កីឡាករវិញ គេសង្កេតឃើញ តួអង្គសំខាន់ ចាន់ វឌ្ឍនាកា ហាត់បានវិញធម្មតា ដូច្នេះនៅល្ងាចនេះ គឺអាចនឹងពេញកម្លាំង តតាំងជាមួយក្រុមស្វាយរៀងបានជាក់ជាមិនខាន។

សម្រាប់ក្រុមស្វាយរៀងឯណោះវិញ ក៏ពេញកម្លាំងនិងចង់ឈ្នះដូចគ្នា។ គ្រូបង្វឹករបស់ពួកគេ ចង់បានពាន Hun Sen Cup នេះ១ទៀត ដើម្បីបញ្ចប់ការងារនៅឆ្នាំនេះ។ ក្រុមស្វាយរៀង លេងនៅលីគទាំងពីរជើងទល់ក្រុមបឹងកេត សុទ្ធតែមិនបរាជ័យ ដូច្នេះនៅល្ងាចនេះ នឹងជក់ចិត្តមិនខាន ព្រោះវាជាប្រកួតផ្ដាច់ព្រ័ត្រផង ហើយលេងនៅទឹកដីកណ្ដាលទៀត៕

អត្ថបទ៖ ប្រុស យុទ្ធ