Rolls-Royce បញ្ចេញ Cullinan ស៊េរីពិសេស តម្លៃថោកបំផុត ៣៨ ម៉ឺនដុល្លារ (វីដេអូ)
- 2019-11-08 02:41:38
- ចំនួនមតិ 0 | ចំនួនចែករំលែក 0
Rolls-Royce បញ្ចេញ Cullinan ស៊េរីពិសេស តម្លៃថោកបំផុត ៣៨ ម៉ឺនដុល្លារ (វីដេអូ)
ចន្លោះមិនឃើញ
Rolls-Royce បានធ្វើតុបតែងរថយន្ត Cullinan ជាមួយនឹងកញ្ចប់ Black Badge ដែលធ្លាប់មាននៅលើម៉ូដែល Dawn, Wraith និង Ghost រួចមកហើយ ដោយវាមានការកែប្រែរូបរាងស្រដៀងគ្នា និងបង្កើនសមត្ថភាពខ្លាំងលើសមុន។
ម៉ាស៊ីន Twin-Turbo ចំណុះ ៦,៧៥ លីត្រ ១២ ស៊ីឡាំងនៅលើ Rolls-Royce Cullinan Black Badge អាចបង្កើតកម្លាំងបាន ៥៩២ សេះ លើសប្រភេទធម្មតា ២៩ សេះ។ វាអាចបង្កើនសន្ទុះពី ០-៩៦ គ.ម/ម៉ ដោយប្រើពេល ៤,៩ វិនាទី ទោះបីជាមានទម្ងន់សរុបដល់ ២ ៧៥៣ គីឡូក្រាម និងមានល្បឿនអតិបរមា២៥០ គ.ម/ម៉។
Rolls-Royce ក៏បានបង្កើនសមត្ថភាពនៃបូម និងហ្វ្រាំង ហើយថែមទាំងដាក់បញ្ចូលបច្ចេកវិទ្យា "Intuitive Throttle” ដែលអាចធ្វើឲ្យការប្ដូរលេខ ៨ វគ្គ ប្រព្រឹត្តទៅយ៉ាងរលូន។ មួយទៀតគឺការបន្ថែមប៊ូតុង "Low” នៅលើប្រអប់លេខ ដែលធ្វើឲ្យសំឡេងបំពង់ស៊ីមាំងកាន់តែជ្រៅ និងធ្ងន់។
និយាយអំពីរូបរាងវិញ Cullinan Black Badge គឺមានរំលេចដោយពណ៌ខ្មៅរលើបរលោងស្ទើរគ្រប់កន្លុកកន្លៀតទៅហើយ ដោយរំលេចនូវឆ្នូតពណ៌លឿង។ សូម្បីតែទេវរូប Spirit of Ecstasy នៅខាងមុខរថយន្តក៏មានពណ៌ខ្មៅដែរ។ ចំណែកផ្នែកខាងក្នុងវិញមានប្រើប្រាស់ពណ៌ខ្មៅជាពណ៌គោល និងរំលេចដោយពណ៌លឿងទាក់ភ្នែក។
Rolls-Royce Cullinan Black Badge ស៊េរីឆ្នាំ ២០២០ គឺមានដាក់លក់ហើយ ដោយមានតម្លៃចាប់ពី ៣៨២ ០០០ ដុល្លារ នៅលើទីផ្សារសហរដ្ឋអាមេរិក៕
ចុចអាន ៖ Subaru បញ្ចេញរថយន្ត Forester ស៊េរីពិសេសមួយលក់លើទីផ្សារ
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
