Silva ត្រូវពិន័យជាប្រាក់ និងមិនឲ្យលេង១ប្រកួតដោយសារការបង្ហោះលើបណ្ដាញសង្គម
- 2019-11-14 01:40:28
- ចំនួនមតិ 0 | ចំនួនចែករំលែក 0
Silva ត្រូវពិន័យជាប្រាក់ និងមិនឲ្យលេង១ប្រកួតដោយសារការបង្ហោះលើបណ្ដាញសង្គម
ចន្លោះមិនឃើញ
Bernardo Silva ត្រូវសហព័ន្ធបាល់ទាត់អង់គ្លេសហៅកាត់ FA សម្រេចពិន័យមិនឲ្យលេង១ប្រកួត និងផាក៥ម៉ឺនផោនដោយសារការបង្ហោះលើបណ្ដាញសង្គម Twitter លេងសើចជាមួយមិត្តរួមក្រុម Benjamin Mendy។
ខ្សែបម្រើសញ្ជាតិព័រទុយហ្គាល់បើបង្ហោះរូប Mendy ប្រៀបធៀបទៅនឹងតុក្កតាសម្បុរខ្មៅដែលមាននៅលើកញ្ចប់ស្ករសូកូឡាដ៏ពេញនិយមនៅអេស្ប៉ាញ និងព័រទុយហ្គាល់ ដែលការបង្ហោះនោះត្រូវ FA ចោទថាមានបង្កប់អត្ថន័យរើសអើងពូជសាសន៍ដោយប្រយោល។
Silva បានលុយរូបនោះចោលត្រឹម៤៦នាទីប៉ុណ្ណោះ និងក្រោយមករូបគេបានបង្ហោះសារថា៖ "បច្ចុប្បន្នសូម្បីលេងសើចជាមួយមិត្តភក្ដិក៏ខុសដែរ"។ កីឡាករវ័យ២៥ឆ្នាំនឹងអវត្តមានប្រកួត Premier League ទល់ Chelsea សប្ដាហ៍ទី១៣៕