ចូលរួមគាំទ្រអ្នកស្រី កែ ឡេង ប្រកួតការពារមេដាយមាសប៉េតង់ពិភពលោកស្អែកនេះ

2019-11-18 02:28:15
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រិយមិត្តអ្នកស្រឡាញ់គាំទ្រវិស័យកីឡាប៉េតង់ អាចអញ្ជើញមកទស្សនាក៏ដូចជាគាំទ្រអត្តពលិកកម្ពុជា ដែលនឹងប្រកួតចាប់ពីពីស្អែកនេះក្នុងព្រឹត្តិការណ៍ជើងឯកប៉េតង់ពិភពលោកយុវជន និងស្ត្រីលើកទី១៧ ដែលមាន៤៩ប្រទេស។

អ្នកស្រី កែ ឡេង ឈ្នះមេដាយមាសកន្លងទៅ

ដូចទៅនិងឯកឧត្តម ស សុខា ប្រធានសហព័ន្ធប៉េតង់ធ្លាប់បានលើកឡើងថា នេះជាលើកទី១ហើយសម្រាប់ប្រទេសកម្ពុជា ដែលអាចរៀបចំការប្រកួតលំដាប់ពិភពលោកមានប្រទេសចូលរួមច្រើនរហូតដល់៤៩ប្រទេសបែបនេះ។ ជាមោទនភាពណាស់ រាប់ឆ្នាំមកហើយដែលកម្ពុជាមិនដែលបានរៀបចំការប្រកួតធំបែបនេះ ដូច្នេះចូលរួមគាំទ្រ និងលើកទឹកចិត្តកីឡាករ កីឡាការិនីកម្ពុជាប្រជែងមេដាយក្នុងព្រឹត្តិការណ៍នេះ។

មេដាយ និងពានរង្វាន់របស់អ្នកស្រី កែ ឡេង

កាន់តែអស្ចារ្យថែមទៀតនោះ ម្ចាស់មេដាយមាសប៉េតង់ពិភពលោក៣សម័យជាប់ៗគ្នាលើវិញ្ញាសាវ៉ៃស៊ីប(វ៉ៃយកពិន្ទុ) អ្នកស្រី កែ ឡេង ក៏នឹងចូលរួមប្រកួត និងការពារតំណែងផងដែរ តើលើកទី៤នេះវីរកីឡាការិនីរបស់កម្ពុជារូបនេះនៅតែអាចរកបានមេដាយមាសលើវិញ្ញាសានេះបានឬយ៉ាងណា។

ទិដ្ឋភាពថ្ងៃសន្និសីទ

ការប្រកួតចាប់ផ្ដើមពីថ្ងៃស្អែកនេះហើយនៅក្នុងពហុកីឡដ្ឋានជាតិ ចំពោះប្រទេសចូលរួមបូកទាំងកម្ពុជាមាន៤៩ប្រទេស ត្រូវនិង៨០ក្រុម។ ចំពោះវិញ្ញាសា និងកម្មវិធីប្រកួតជាក់លាក់នឹងជូនដំណឹងពេលក្រោយ៕