Instagram លុបគណនីតារាអាសអាភាសរាប់ពាន់នាក់ ដោយគ្មានហេតុផលសមរម្យ

2019-11-26 08:21:42
ចំនួនមតិ 0 | ចំនួនចែករំលែក 0

ចន្លោះមិនឃើញ

មានតារាអាសអាភាសជាច្រើនបានអះអាងថា គណនី Instagram របស់ពួកគេត្រូវបានលុបចោល ត្បិតថាមិនបានល្មើសនូវច្បាប់ស្តង់ដាររបស់បណ្ដាញទំនាក់ទំនងសង្គមមួយនេះក្ដី។

សហគមន៍តារាសម្ដែងរឿងអាសអាភាស (APAG) បានប្រមូលផ្ដុំបញ្ជីនៃតារាសម្ដែងជាង ១ ៣០០ នាក់ ដែលអះអាងថាគណនី Instagram របស់ពួកគេត្រូវបានគេលុបចោល។ តារាសម្ដែងទាំងនោះនិយាយថា ពួកគេទទួលបានការឲ្យដំណឹងថាគណនីរបស់ពួកគេល្មើសនឹងច្បាប់ស្តង់ដាររបស់បណ្ដាញសង្គម ទាំងដែលពួកគេមិនបានបង្ហោះរូបភាពបង្ហាញកេរ្តិ៍ខ្មាសអ្វីឡើយ។

Alana Evans ប្រថាននៃ APAG បាននិយាយថា ៖ "ពួកគេរើសអើងពួកគេ ដោយសារពួកគេមិនចូលចិត្តរបរចិញ្ចឹមជីវិតរបស់ពួកយើង។ សូម្បីតែតារាសម្ដែងដែលមិនបានបង្ហោះរូបភាពអាសអាភាស ឬសរសេរអ្វីទាក់ទងនឹងផ្លូវភេទ ក៏គណនី Instagram ពួកគេត្រូវគេលុបដែរ។”

ទាក់ទងនឹងការលុបចោលគណនីតារាសម្ដែងរឿងស្រើបស្រាលដល់ខ្ទង់ពាន់គណនីនេះ ខាងបណ្ដាញសង្គម Instagram មិនទាន់មានការឆ្លើយតបនៅឡើយទេ៕

ចុចអាន ៖ Facebook ចេញកម្មវិធីថ្មី អ្នកប្រើរកបាន ១ ពាន់ពិន្ទុ បានលុយ ៥ដុល្លារ

ប្រភព៖ Zing ប្រែសម្រួល៖ សុខហេង